موڭعوليا زاڭگەرلەرى پرەزيدەنت پەن پرەمەرگە قارسى شىقتى

موڭعوليا زاڭگەرلەرى پرەزيدەنت پەن پرەمەرگە قارسى شىقتى.

ءساۋىر ايىنىڭ 3-ءى كۇنى موڭعوليا زاڭگەرلەرى ەل پرەزيدەنتى حالتمااگين باتتۋلگا ۇسىنعان زاڭ جوباسىن قابىلداۋعا قارسى كونستيتۋتسيالىق سوتقا شاعىمداناتىندىقتارىن مالىمدەدى. ولاردىڭ سوزىنشە، زاڭ جوباسى موڭعوليا اتا زاڭىنا قايشى.

حالتمااگين باتتۋلگا ۇسىنعان زاڭ بويىنشا، بۇدان بىلاي جەمقورلىقپەن كۇرەس باسقارماسى، پروكۋراتۋرا جانە جوعارعى سوت باسشىلارىن تاعايىنداۋ نەمەسە قىزمەتىنەن الىپ تاستاۋ ۇلتتىق قاۋىپسىزدىك كەڭەسىنىڭ ۇيعارىمىمەن جۇزەگە اسىرىلادى.

زاڭگەرلەردىڭ  ايتۋىنشا، حالتمااگين باتتۋلگا ۇسىنعان زاڭ جوباسىنىڭ قابىلدانۋى سالدارىنان بولاشاقتا پرەزيدەنت جەمقورلىقپەن كۇرەس باسقارما باسشىسىن ءوز قالاۋى بويىنشا، ال پرەمەر-مينيستر جوعارى سوت پەن باس پروكۋروردى ءوز قالاۋى بويىنشا تاعايىندايتىن بولادى. بۇل ءوز كەزەگىندە موڭعوليا كونستيتۋتسياسىندا جازىلعان تاۋەلسىز سوت جۇيەسىنىڭ پرينتسيپتەرىنە قايشى كەلۋدە.

ايتا كەتەتىن ءبىر جايت، حالتمااگين باتتۋلگا ءوزى ۇسىنعان زاڭ جوباسىن پارلامەنت ماقۇلداعان كۇننىڭ ەرتەڭىندە جوعارعى سوتتىڭ باس سۋدياسى د. زوريگتى قىزمەتىنەن بوساتقان. رەسمي اقپارات بويىنشا، ول قىزمەتىنەن ءوز ەركىمەن كەتكەن. جەرگىلىكتى باق وكىلدەرىنىڭ مالىمەتىنشە، باس سۋديامەن قاتار التى بىردەي جوعارى لاۋازىمدى زاڭ قىزمەتكەرى ورنىنان الىنىپ تاستالعان.

"The Qazaq Times"