2018 جىلدىڭ 26 ناۋرىزىنان باستاپ «ەير استانا» ۇلتتىق تاسىمالداۋشى اۋە كومپانياسى اتىراۋ مەن فرانكفۋرت اراسىندا دۇيسەنبى جانە جۇما كۇندەرى Airbus A321-دە ەكى كلاستى ۇشاعىمەن ۇشۋدى باستايدى، دەپ حابارلايدى كومپانيانىڭ ءباسپاسوز قىزمەتى.
اتىراۋدان فرانكفۋرتقا ۇشۋ ۋاقىتى 5 ساعاتتى قۇرايدى. ۇشۋ Lufthansa-مەن كودشەرينگ تۋرالى كەلىسىمى اياسىندا جاسالادى.
وتكەن جىلدىڭ ناۋرىز ايىندا استانا مەن فرانكفۋرت اراسىنداعى كودشەرينگ كەلىسىمىنە قول قويىلعان ساتتەن باستاپ، «ەير استانا» فرانكفۋرتتەگى 1-ءشى تەرمينالىنا رەيستەرىن اۋىستىرعان. بۇل ەكى اۋەكومپانيا اراسىنداعى رەيستىڭ ءتۇيىسۋ ۋاقىتىن قىسقارتتى.
اتىراۋ-فرانكفۋرت رەيسى - فرانكفۋرت جانە قازاقستاندى بايلانىستىراتىن ءۇشىنشى باعىت، رەيس استانادان كۇندەلىكتى، ورالدان اپتا سايىن قاتىنايدى. سونداي-اق، جولاۋشىلارعا اپتاسىنا الماتى مەن فرانكفۋرت اراسىندا كودشەرينگ كەلىسىمى اياسىندا Lufthansa-مەن ورىندالاتىن جەتى رەيس قول جەتىمدى.
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
نازارباەۆ "قۇرمەتتى سەناتور" اتاعىنان ايىرىلدى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى