وزبەكستان پرەزيدەنتى شاۆكات ميرزيەەۆ شەنەۋنىكتەرگە: «قول سوعىپ قولپاشتاعانشا، جۇمىس ىستەڭدەر».

شاۆكات ميرزيەەۆ بۇقارا وبلىسىنا جاساعان ساپارىندا جەرگىلىكتى اتقامىنەرلەرمەن كەزدەستى. كەزدەسۋ بارىسىندا ول ماقتاۋ مەن ماداقتاۋدان الدىنا جان سالمايتىن شەنەۋنىكتەرگە قاتىستى مالىمدەمە جاسادى.

«قول سوعىپ قولپاشتاۋ مەن ماداق ايتۋدى توقتاتۋ كەرەك. ونىڭ ورنىنا ءار ۇيمەن، ءار اداممەن ماقساتتى تۇردە جۇمىس ىستەۋ قاجەت. جۇمىس ءار كوشەگە، ءار ادامنىڭ جەكە ومىرىنە اسەر ەتۋى ءتيىس» -دەدى ميرزيەەۆ.

شاۆكات ميرزيەەۆ وسىعان ۇقساس سوزدەردى بۇعان دەيىن دە ايتقان. ول 2017 جىلى پارلامەنت دەپۋتاتتارىمەن كەزدەسۋىندە: «ويانىڭدار، ەندى سەندەردىڭ دە ابىروي جينايتىن ۋاقىتتارىڭ جەتتى» - دەپ مالىمدەگەن.

"The Qazaq Times"