فوتو: ۆەستنيك كاۆكازا

1 ساۋىردە تاشكەنتتە وزبەكستان پرەزيدەنتى شاۆكات ميرزيەەۆتىڭ جەكە قابىلداۋ بولمەسى اشىلماق. وندا پرەزيدەنت ازاماتتاردى قابىلدايتىن بولادى. بۇل جونىندە پرەزيدەنت اكىمشىلىگىءنىڭ حالىقتىق قابىلداۋلار ءبولىمىنىڭ مەڭگەرۋشىسى باحتيەر جامالوۆ حابارلادى.

ونىڭ سوزىنشە، كەزەككە العاشقى جازىلعانداردى پرەزيدەنت ميرزيەەۆتىڭ جەكە ءوزى قابىلداپ، شاعىمدارىن تىڭدايدى.

كەيىن مۇنداي قابىلداۋلار ونلاين-كورسەتىلىم ارقىلى جۇزەگە اسپاق.

پرەزيدەنت قابىلداۋى ورنالاسقان كاراتاش پەن فۋركات كوشەلەرىنىڭ قيىلىسى كۇردەلى جوندەۋدەن وتكەن. وندا سونىمەن بىرگە تەلەكوپىر وتكىزۋگە بارلىق جاعدايلار جاسالعان دەيدى باحتيەر جامالوۆ.

عيماراتقا كىرەبەرىستە پرەزيدەنتتىڭ ازاماتتاردى قابىلدايتىن كەستەسى ءىلىنىپ قويعان.

جامالوۆتىڭ ايتۋىنشا، پرەزيدەنت قابىلداۋىنا 20 ادام ءوتىنىش تۇسىرگەن. ولاردىڭ بارىمەن ميرزيەەۆ جەكە كەزدەسپەكشى.

"The Qazaq Times"