بيۋدجەتتە بەكىتىلگەن مۇناي باعاسى وزگەرمەيدى، – دەپ مالىمدەدى قر ۇلتتىق ەكونوميكا ءمينيسترى رۋسلان دالەنوۆ.

بيۋدجەتتە باعانىڭ كونسەرۆاتيۆتى نۇسقاسى بەكىتىلگەندىكتەن، قازىرگى ۋاقىتتا مۇناي باررەلىنە 67 دوللاردان جوعارى باعالانعان. ۇكىمەت ۇيىندە وتكەن ءباسپاسوز ءماسليحاتىندا دالەنوۆ: «باعا وزگەرىپ وتىرادى جانە ونىڭ بىرنەشە سەبەبى دە بار. سولاردىڭ ءبىرى، قازىرگى ۋاقىتتا اقش-تىڭ قازىناشىلىق قاعازدارىندا «اۋىتقىمالى كىرىستىلىك ينۆەرياسى» بايقالىپ وتىر. بۇل وتە سيرەك كەزدەسەتىن جايت. ۇشايلىق قازىناشىلىق قاعازدارىنىڭ كىرىستىلىگى ونجىلدىق قاعازدار كىرىسىنەن اسىپ كەتتى. مۇنداي جايت 2007 جىلى، 2000 جىلى، 1989 جىلى بولعان ەدى. ادەتتە كىرىستىڭ مۇنداي اۋىتقۋى قۇراما شتاتتار ەكونوميكاسىنداعى رەتسەسسيا الدىندا بولاتىن. 1957 جىلدان بەرى اقش-تا جالپى 9 رەتسەسسيا بايقالدى. سول سەبەپتى، ينۆەستورلار بۇدان كەيىنگى ەكونوميكالىق وسىمگە سەنبەي، ۇزاقمەرزىمدى قاعازداردى وزدەرىنىڭ كىرىستەرىن بەكىتۋ ءۇشىن ساتىپ الادى. قورتىندىسىندا قاعازدىڭ ءوزىنىڭ قۇنى ءوسىپ، ال ونىڭ كىرىسى تومەندەيدى»، – دەدى.

ءمينيستردىڭ پىكىرىنشە، قازاقستاندا بيۋدجەت پەسسيميستىك جانە ورتا پارامەترلەر نەگىزدە قالىپتاسقاندىقتان، ساۋدا بالانسى وڭ جانە الداعى ۋاقىتتا باعا قۇبىلمايدى.

"The Qazaq Times"