اقش كونگرەسى مەكسيكا شەكاراسىنا قورعان تۇرعىزۋ جوباسىنا بيۋدجەتتەن قارجى بوساتۋدان باس تارتقاننان كەيىن، پرەزيدەنت ترامپ شەكارا دۋالىن تۇرعىزۋعا باس جولمەن قارجى تاپتى. ەندى اتالعان جوباعا پەنتاگوننىڭ 1 ملرد دوللار قارجى اۋداراتىنى ءمالىم بولدى.

سونىمەن ترامپ بيلىگى ارمياعا بولىنگەن قاراجاتقا 91 شاقىرىمعا سوزىلاتىن، بيىكتىگى 5 مەتردەن اساتىن تەمىر بوگەتتەردى ورناتپاق. سونداي-اق، بۇل قارجىمەن شەكارا وڭىردەگى جولداردى دا جوندەمەك. بىراق، ترمپتىڭ بۇل ارەكەتىن دەموكراتيالىق پارتيا بىردەن سىنعا الدى. ولار پەنتاگونعا قاراستى لاۋازىمدىلاردىڭ رۇقساتىنسىز، قارجىنى باسقا جاققا اۋدارىپ جاتقانىن ايىپتايدى.

ترامپ پرەزيدەنت بولۋدان بۇرىن جانە كەيىن دە «زاڭسىز ميگرانتتار – ۇلتتىق داعدارىس» ۇرانىن كوتەرىپ، امەريكالىقتاردىڭ زاڭسىز ميگرانتتاردان جاپا شەگىپ جاتقانىن تالاي مارتە ايتقان. ءارى، بۇل داعدارىستى شەشۋ ءۇشىن 320 3200 شاقىرىمعا سوزىلاتىن اقش-مەكسيكا شەكاراسىنا «قورعان» تۇرعىزۋ يدەياسىن ورتاعا قويعان. ول بۇل يدەياسىن ەكى جىلدان بەرى بەلسەندى تۇردە قورعاپ كەلەدى.

ترامپتىڭ ساياسي قارسىلاس سىنشىلارى ونى ەشبىر فاكتىگە جۇگىنبەستەن، شەكارا داعدارىسىن قولدان جاسادى دەپ سىنعا الۋدا. كونگرەسس بولسا زاڭسىز كوشى-قوندى «شەكارا قورعانىنان» باسقا جولدارمەن دە شەشۋگە بولادى دەپ قارايدى.

شىن مانىسىندە پرەزيدەنت ترامپ اتالعان جوباعا 5,7 ملرد اقش دوللارىن ءبولۋدى تالاپ ەتكەن ەدى. بيىل 15 اقپاندا كونگرەستە دەموكراتتار بۇل قارجىنى بولۋدەن باس تارتتى. ترامپ تا تيىسىنشە وزگەشە جاعداي جاريالادى.

ماسەلەنى قۇراما شتاتتاردىڭ زاڭىنا سايكەس تالاۋشىلاردىڭ ايتۋىنشا، سوعىس نەمەسە قاجەتتى توتەنشە جاعداي كەزىندە پرەزيدەنتتىڭ ارمياعا شەكارا دۋالىن تۇرعىزۋعا بۇيرىق بەرۋدەي قۇزىرەتى بار. دەمەك، مۇنداي جاعدايدا كونگرەستىڭ رۇقساتىنسىز-اق  شەكارا قورعانى تۇرعىزىلۋى مۇمكىن.

دەموكراتتار ترامپتىڭ بۇل ارەكەتى اقش كونستيتۋتسياسىنا قايشى كەلەتىنىن ايتۋدا. وتكەن ايدا سەنات پرەزيدەنتتىڭ توتەنشە جاعداي جاريالاۋ شەشىمىن جوققا شىعاردى. ترامپ ءوز قۇقىعىن پايدالانىپ، سەناتتىڭ بۇل شەشىمىنە دە ۆەتو قويدى. ساراپشىلاردىڭ ايتۋىنشا، ەندى تەك كونگرەستىڭ ۇشتەن ەكىسى پرەزيدەنت شەشىمىنە قارسى داۋىس بەرگەندە عانا پەنتاگون قارجىسى ءوز ورنىندا قالماق.

“The Qazaq Times”