AQŞ Kongresi Meksika şekarasına qorğan twrğızu jobasına byudjetten qarjı bosatudan bas tartqannan keyin, prezident Tramp şekara dualın twrğızuğa bas jolmen qarjı taptı. Endi atalğan jobağa Pentagonnıñ 1 mlrd dollar qarjı audaratını mälim boldı.

Sonımen Tramp biligi armiyağa bölingen qarajatqa 91 şaqırımğa sozılatın, biiktigi 5 metrden asatın temir bögetterdi ornatpaq. Sonday-aq, bwl qarjımen şekara öñirdegi joldardı da jöndemek. Biraq, Trmptıñ bwl äreketin Demokratiyalıq partiya birden sınğa aldı. Olar Pentagonğa qarastı lauazımdılardıñ rwqsatınsız, qarjını basqa jaqqa audarıp jatqanın ayıptaydı.

Tramp prezident boludan bwrın jäne keyin de «Zañsız migranttar – wlttıq dağdarıs» wranın köterip, amerikalıqtardıñ zañsız migranttardan japa şegip jatqanın talay märte aytqan. Äri, bwl dağdarıstı şeşu üşin 320 3200 şaqırımğa sozılatın AQŞ-Meksika şekarasına «qorğan» twrğızu ideyasın ortağa qoyğan. Ol bwl ideyasın eki jıldan beri belsendi türde qorğap keledi.

Tramptıñ sayasi qarsılas sınşıları onı eşbir faktige jüginbesten, şekara dağdarısın qoldan jasadı dep sınğa aluda. Kongress bolsa zañsız köşi-qondı «şekara qorğanınan» basqa joldarmen de şeşuge boladı dep qaraydı.

Şın mänisinde prezident Tramp atalğan jobağa 5,7 mlrd AQŞ dolların böludi talap etken edi. Biıl 15 aqpanda Kongreste demokrattar bwl qarjını böluden bas tarttı. Tramp ta tiisinşe özgeşe jağday jariyaladı.

Mäseleni Qwrama Ştattardıñ zañına säykes talauşılardıñ aytuınşa, soğıs nemese qajetti tötenşe jağday kezinde prezidenttiñ armiyağa şekara dualın twrğızuğa bwyrıq berudey qwzıreti bar. Demek, mwnday jağdayda Kongrestiñ rwqsatınsız-aq  şekara qorğanı twrğızıluı mümkin.

Demokrattar Tramptıñ bwl äreketi AQŞ Konstituciyasına qayşı keletinin aytuda. Ötken ayda Senat prezidenttiñ tötenşe jağday jariyalau şeşimin joqqa şığardı. Tramp öz qwqığın paydalanıp, Senattıñ bwl şeşimine de veto qoydı. Sarapşılardıñ aytuınşa, endi tek Kongrestiñ üşten ekisi prezident şeşimine qarsı dauıs bergende ğana Pentagon qarjısı öz ornında qalmaq.

“The Qazaq Times”