ۇلىستىڭ ۇلى كۇنى – ناۋرىز مەرەكەسى قۇتتى بولسىن!

كۇن مەن ءتۇننىڭ تەڭەلىپ، تىرشىلىكتىڭ جاندانعان شاعى، كوكتەمنىڭ تىرشىلىك قۋاتىنا يە بولىپ، جاڭا ءومىردىڭ باستالاتىن شاعىن ايعاقتايتىن ناۋرىز مەرەكەسى ءوزىنىڭ ەڭ بايىرعى مەرەكە بولۋىمەن دە ەرەكشەلەنەدى. ونى بىزدەن وزگە ەۋرازيا قۇرلىعىنداعى بىرقاتار ەلدەر مەرەكەلەيدى.

ايتالىق، يران مەن اۋعانستان ەلىندە ۇلتتىق مەرەكە جانە جاڭا جىلدىڭ باستالۋى رەتىندە مەرەكەلەنسە، قازاقستان، وزبەكستان، قىرعىزستان، تۇركىمەنستان تاجىكستان، ازەربايجان جانە رەسەيدەگى تاتارستان، باشقۇرتستان، داعىستان قاتارلى ەلدەر ۇلتتىق جانە قوعامدىق مەيرام رەتىندە وتكىزەدى. ال، موڭعوليا، قىتايدىڭ شىنجاڭ جەرى، ءۇندىستان مەن پاكىستان، يراك، ءسۇريا، تۇركيا، گرۋزيا، ماكەدونيا، البانيا ەلدەرى جانە كوسوۆو، يراكتاعى كۇرت ايماعى بەيرەسمي مەرەكە رەتىندە اتاپ وتەدى. 

مەرەكەگە وراي، بارشا قازاق جۇرتىنا مەرەكەلىك سالەم جولدايمىز! ۇلىس وڭ بولسىن، اق مول بولسىن! ەلىمىز امان، جۇرتىمىز تىنىش، باي-قۋاتتى ىرگەلى ەل بولۋدى جازسىن! ناۋرىز مەرەكەلەرىڭىز قۇتتى بولسىن!

“The Qazaq Times”