فوتو: https://gdb.rferl.org

ەۋروپالىق وداق نازارباەۆتىڭ وتستاۆكاعا كەتۋىنە قاتىستى پىكىر ءبىلدىردى.

ەو سىرتقى ساياسات قىزمەتىنىڭ رەسمي وكىلى مايا كوسيانچيچ وداق اتىنان نۇرسۇلتان نازارباەۆتىڭ قازاقستان پرەزيدەنتى وكىلەتتىگىن توقتاتۋ تۋرالى شەشىمىنە قاتىستى: «پرەزيدەنت نۇرسۇلتان نازارباەۆتىڭ وتستاۆكاسى جايىندا بىلدىك. ول قازاقستاننىڭ پرەزيدەنتى بولعان 30 جىلعا جۋىق ۋاقىتتىڭ ىشىندە كونستيتۋتسيالىق رەفورمالاردى قوسا العاندا جاڭعىرۋ رەفورمالارىن ىلگەرىلەتتى. پرەزيدەنت نازارباەۆ بەيبىتشىلىك، تۇراقتىلىق پەن قاۋىپسىزدىككە جاردەمدەسۋگە ايرىقشا ءمان بەرە وتىرىپ، وڭىرلىك، سونىمەن قاتار جاھاندىق دەڭگەيدەگى ىنتىماقتاستىقتى دامىتۋدا جوعارى باسىمدىق يەلەندى»، – دەدى. سونداي-اق، رەسمي وكىل قازاقستان ەۋروپالىق وداق ءۇشىن ماڭىزدى رولگە يە مەملەكەت ەكەندىگىن جانە وداق قازاقستاننىڭ ەڭ ءبىرىنشى ساۋدا سەرىكتەسى ءارى ينۆەستورى بولىپ سانالاتىندىعىن اتاپ ءوتتى.

ايتا كەتەيىك، قازاقستان ورتالىق ازيا ەلدەرىنىڭ ىشىندە ەو-مەن كەڭەيتىلگەن سەرىكتەستىك جانە ىنتىماقتاستىق تۋرالى كەلىسىمگە ەڭ ءبىرىنشى قول قويعان بولاتىن.

"The Qazaq Times"