![](https://qazaqtimes.com/kk/content/uploads/2019/03/99b89afd5e7b5fe3364845a6daee5e4f-800x480.jpg?token=24a51980dd4fafc0d3316cd6f2a9a4c8)
19 ناۋرىز 2019 جىلى تىكەلەي ەفير ارقىلى جولداۋ جاساعان قر پرەزيدەنتى ن. نازارباەۆ ءوز وكىلەتتىلىگىن توقتاتاتىنى تۋرالى شەشىمىن جاريا ەتتى.
حالىققا جولداۋىندا: "مەن قر پرەزيدەنتى رەتىندە ءوز وكىلەتتىلىگىمدى توقتاتامىن دەپ شەشتىم، ارينە بۇل وڭاي شەشىم ەمەس. بيىل ەڭ جوعارى لاۋازىمداعى قىزمەتىمدى اتقارىپ كەلە جاتقانىما 30 جىل تولادى", – دەدى پرەزيدەنت ن. نازارباەۆ.
ن. نازارباەۆ سوزىندە قازاقستان رەسپۋبليكاسىنىڭ پرەزيدەنتى مىندەتىن اتقارعان ۋاقىتتاعى قاداۋ-قاداۋ تاريحي بەلەستەر تۋرالى توقتالا كەلىپ، ەڭ جوعارى لاۋازىمدى قىزمەتتەگى كەزىندە حالقىنىڭ وزىنە سەنىم ارتقانىنا العىسىن ءبىلدىردى.
سونداي-اق، تۇڭعىش پرەزيدەنت ءوز مالىمدەمەسىندە قر پرەزيدەنتتى مىندەتىن قاسىمجومارت توقاەۆ اتقاراتىنىن ايتتى جانە جارلىققا قول قويدى.