باتىس قازاقستاننىڭ باسىم بولىگىن سۋ باسۋ قاۋپى بار

باتىس قازاقستانداعى 88 ەلدى مەكەندى سۋ باسۋ قاۋپى بار، – دەپ حابارلايدى «قازگيدرومەت».

مالىمەتتەر بويىنشا، بقو-داعى شاعان وزەنىندەگى سۋ كولەمى 360 ميلليون تەكشە مەتر بولسا، بيىلعى بولجام بويىنشا 600 ميلليوننان اسۋ قاۋپى بار. ال دەركول وزەنىندەگى سۋدىڭ كولەمى وسى كوكتەمدە 258 ميلليون تەكشە مەترگە جەتۋى مۇمكىن. بۇل قالىپتى مولشەردەن 100 ميلليون تەكشە مەترگە كوپ.

قازىرگى ۋاقىتتا قۇتقارۋشىلار تاسقالا، بايتەرەك اۋداندارى مەن ورال قالاسىنىڭ توڭىرەگىندە جينالعان مۇزدى كەسىپ جاتىر. وسى رەتتە وزەندەگى سۋدىڭ ارنادان اسىپ كەتپەۋى ءۇشىن 167 مىڭ شارشى مەتر وزەن مۇزدان تازارتىلىپ، 19 مىڭ 520 ويىق شىعارىلعان. ەندى ورال قالاسىنىڭ اينالاسىنداعى 18 بەكەت ارقىلى وزگە دە ەلدى مەكەندەردەگى كوپىرلەر سۋ تاسقىنى كەزىندە قىستىرىلىپ، مۇزدىڭ ءبارى تۇرىپ قالماۋ ءۇشىن مۇزدان وزەننىڭ ارناسى بوساتىلۋى ءتيىس.

"The Qazaq Times"