"اقجايىق ارياسى" اقجايىقتىڭ سالەمى بولىپ جەتتى. فوتو: QT,

بۇگىن الماتىداعى قازاقستان جازۋشىلار وداعىندا باتىس قازاقستان وبلىستىق قادىر مىرزا ءالي اتىنداعى مادەنيەت جانە ونەر ورتالىعىنىڭ "قادىر جولى" جوباسى اياسىندا "دالا ديدارى" كوشپەلى ونەر ۇجىمى قادىر مىرزا ءالي شىعارماشىلىعىنا ارنالعان كونتسەرتى ءوتتى. 

الماتىدا قادىر مىرزا ءالي شىعارماشىلىعىنان كونتسەرت ءوتتى. فوتو: QT.

اتالعان ورتالىقتىڭ ديرەكتورى باۋىرجان حاليوللا باستاپ اشقان بۇل كەشتە، "دالا ديدارى" ونەر ۇجىمىنىڭ ونەرپازدارى قازاقتىڭ ءبىر تۋار پەرزەنتى، تاۋ تۇلعالى اقىنى قادىر مىرزا ءاليدىڭ سوزىنە جازىلعان اندەرىن ورىنداپ، ولەڭدەرىن وقىدى. "قادىردان قالعان ءسوز جاۋھارلارىن", قاعىتپا قالجىڭدارىن، اقىن ءومىرىنىڭ ءار تۇسىنداعى ەلەۋلى ەستەلىكتەرى ايتىلدى.

ء"ىنجۋ" توبى اقىننىڭ ليريكالىق اندەرىنەن شاشۋ شاشتى. فوتو: QT.

قادىر مىرزا ءاليدىڭ شىعارماشىلىعىنا ارنالعان كەشكە تىنىشتىقبەك ابدىكاكىموۆ، ۇلىقبەك ەسداۋلەتوۆ، مەرەكە قۇلكەنوۆ، ەسەنعالي راۋشانوۆ قاتارلى قازاقتىڭ دارىندى قالامگەرلەرى قاتىستى.

قازاقتىڭ قادىرلى قالامگەرلەرى قادىر شىعارماشىلىعىنان وتكەن كونتسەرتكە كەلدى. فوتو: QT.

ايتا كەتەيىك، اقىننىڭ 80 جىلدىق مەرەي تويىنا وراي اشىلعان مادەنيەت جانە ونەر ورتالىعى ءۇش جىلدان بەرى جۇيەلى جۇمىس جاساپ كەلەدى. ورتالىقتا مەرەكەلىك كونتسەرتتەر، ادەبيەت پەن ونەر وكىلدەرىنىڭ شىعارماشىلىق كەشتەرى، عىلىمي كونفەرەنتسيالار وتۋمەن قاتار، باتىس ءوڭىرىنىڭ قىل قالام شەبەرلەرىنىڭ تۋىندىلارى قويىلعان گالەرەيا جۇمىس ىستەيدى. ەڭ ماڭىزدىسى اقىن قادىر مىرزا اليگە ارنالعان مۇراجاي اقىن ءومىرى مەن شىعارماشىلىعىنان تولىق ماعلۇمات بەرەدى.

“The Qazaq Times”