![](https://qazaqtimes.com/kk/content/uploads/2019/03/oblbolnica-800x480.jpg?token=67965a1de16219ec396cd392aecf0817)
جامبىل وبلىسى العاشقى مەديتسينالىق-سانيتارلىق كومەك كورسەتۋ نىساندارى مەن بىلىكتى مامانعا تاپشى.
قازىردىڭ وزىندە 65 ەلدى مەكەندە زاماناۋي مەديتسينالىق ورتالىق جوق. مۇنىمەن قوسا، شالعاي اۋدانداردا اكۋشەر-گينەكولوگ، رەانيماتولوگ، نەوناتولوگ جەتكىلىكسىز. وتكەن جىلى كادر تارتۋ ماقساتىندا جەرگىلىكتى بيۋدجەتتەن 60 ميلليون قارجى ءبولىنىپ، 74 جاس مامانعا 800 مىڭ تەڭگەدەن الەۋمەتتىك كومەك كورسەتىلگەن. سوعان قاراماستان، جەرگىلىكتى تۇرعىندار مەديتسينالىق-سانيتارلىق كومەك كورسەتۋ ورىندارى مەن دارىگەرلەردىڭ جوقتىعىن ايتىپ، شاعىمدانعان.
اتالعان ماسەلەنى رەتتەۋ ءۇشىن 2018-2020 جىلدارعا ارنالعان جول كارتاسى بەكىتىلگەنمەن، كادر تاپشىلىعى دا شەشىمىن تاپقان جوق. سول سەبەپتى جۇمىس كەزەڭ-كەزەڭىمەن جۇرگىزىلۋدە. جالپى العاندا، بيىل مەديتسينالىق تىرەك، فەلدشەرلىك-اكۋشەرلىك پۋنكت، امبۋلاتوريا سياقتى 40 نىسان سالىنۋى ءتيىس. ال تاراز قالاسىنداعى جاڭا ونكولوگيالىق ديسپانسەردىڭ قۇرىلىسىنا 13,9 ميلليارد تەڭگە بولىنگەن.