فوتو: https://golos.ua

بۇۇ افريكاعا كومەكتى ارتتىرادى. بۇل تۋرالى Reuters حابارلادى.

ۇيىم جۇمىستارىنىڭ 70%-عا جۋىعى افريكاداعى قاقتىعىستاردىڭ الدىن الىپ، لاڭكەستىكپەن كۇرەسۋگە، ادام قۇقىقتارىن قورعاۋعا جانە ازاماتتىق قوعام قۇرۋعا باعىتتالعان. سونىمەن قاتار، بۇۇ قۇرلىقتىڭ تۇراقتى ەكونوميكالىق جانە الەۋمەتتىك دامۋىنا كوپ كوڭىل بولمەك.

قازىرگى ۋاقىتتا بىتىمگەرشىلىك اسكەر ورتالىق افريكا رەسپۋبليكاسىندا، سۋداننىڭ ەكى ايماعىندا، كوت-د'يۆۋار، مالي، ليبەريا جانە كونگو دەموكراتيالىق رەسپۋبليكاسىندا قىزمەت ەتۋدە. وسى رەتتە بەيبىتشىلىكتى ساقتاۋ وپەراتسيالارى قارا قۇرلىقتىڭ توعىز ايماعىندا باستالعان. ال حالىقارالىق كۇشتەر باتىس ساحاراداعى رەفەرەندۋمعا دايىندىقتى قامتاماسىز ەتىپ وتىر. ايتا كەتەر ءبىر جايت، افريكاداعى حالىقارالىق كۇشتەر قاتارىندا قازاقستاندىق اسكەري بايقاۋشىلار دا بار.

"The Qazaq Times"