تۇركيانىڭ انتاليا قالاسىندا ءوتىپ جاتقان Samsung فورۋمىنىڭ جىل سايىنعى كونفەرەنتسياسىندا Samsung Electronics كومپانيانىڭ جاڭا ونىمدەرىن تانىستىرىپ،  2019-عا ارنالعان دامۋ جوسپارىمەن ءبولىستى.

Samsung فورۋمىنىڭ ونىنشى مەرەيتويىنا رەسەي، ۋكراينا، بەلورۋسيا، قازاقستان، ارمەنيا، ءازىربايجان جانە گرۋزيانىڭ كومپانيالارى مەن نەگىزگى سەرىكتەستەرى قاتىستى. Samsung Electronics كونفەرەنتسيا قاتىسۋشىلارىنا 2019 جىلعا ارنالعان  بيزنەس ستراتەگياسىن، سونداي-اق، QLED-تۆ جاڭا جەلىسى، Family Hub توڭازىتقىشىن، Dual كۋك Flex پەشىن، قۋاتتى تىك شاڭسورعىش Jet 200, Bixby قاشىقتان باسقارىلاتىن كىر جۋعىش ماشينالارى جانە Galaxy S10 جاڭا فلاگماندىق سمارتفوندارىن تانىستىردى. سونىمەن قاتار، فورۋمدا جاساندى ينتەللەكت تەحنولوگيالار ارقىلى «اقىلدى ءۇيدى» دامىتۋعا ءارتۇرلى ۇسىنىستار ايتىلدى.

اتالعان شارادا ءسوز سويلەگەن Samsung Electronics شتاب-پاتەرىنىڭ رەسەيدەگى جانە تمد ەلدەرىندەگى پرەزيدەنتى سايمون سونگ 2019 جىلدىڭ كومپانيا ءۇشىن ماڭىزدىلىعىن اتاپ ءوتتى.

"2019 جىل ءبىز ءۇشىن وتە ماڭىزدى. بيىل Samsung Electronics ءوزىنىڭ 50 جىلدىق مەرەيتويىن اتاپ وتۋدە. وسى ۋاقىت ىشىندە كومپانيا وزىق تەحنولوگيالىق شەشىمدەردى ازىرلەۋشى، سونىمەن قاتار ۇيالىتەلەفون ونەركاسىبىندە ترەندسەتتەر اتاندى. يننوۆاتسيانىڭ دامۋىنا ەشقانداي كەدەرگى جوق. ءبىزدىڭ سەرىكتەستەرىمىز بولماسا، ءبىز قازىرگىدەي جەتىستىككە جەتپەس ەدىك", - دەدى ول.

"The Qazaq Times"