اقش بيلىگى گرۋزيا، بالقان جانە بالتىق ەلدەرىندە رەسەي ىقپالىمەن كۇرەسۋگە باعىتتالعان ارنايى ورتالىقتار اشۋدى جوسپارلادى. بۇل تۋرالى Politico حابارلادى.
رەسمي ۋاشينگتون 2019-2020 جىلدارعا ارنالعان رەسەيلىك اقپاراتتىق ساياساتقا قارسى جاھاندىق جۇيەنى قۇرۋ جوباسىن تالقىلادى. جوسپار بويىنشا رەسەيدىڭ «اگرەسسيالىق ساياساتىنا» قارسى امەريكالىق ورتالىقتاردىڭ قۇرىلىسى بيىلدان باستالىپ، 2020 جىلى اتالعان مەملەكەتتەردە جانە الەمنىڭ وزگە دە ەلدەرىندە ءوز جۇمىسىن باستايدى. سونىمەن قاتار، قۇراما شتاتتارى ءار مەملەكەتتەردەگى جەرگىلىكتى باق-تار رەسەي «كوزىمەن» اقپارات تاراتپاس ءۇشىن ساندىق زەرتتەۋ ورتالىقتارىن اشپاق. ەندى مامىردان باستاپ اتالعان ورتالىق گرۋزيا، بالقان جانە بالتىق ەلدەرىندە سالىنادى.
امەريكالىق باقىلاۋ ورتالىقتارىنىڭ باستى ماقساتى – ءار ەلدەگى بۇقارالىق اقپارات قۇرالدارىنا جانە قوعامدىق پىكىرگە ماسكەۋدىڭ ىقپالىن انىقتاي وتىرىپ، رەسەيدىڭ «اگرەسسيالىق ساياساتىنا» توسقاۋىل بولۋ. اقش بيلىگى ناۋرىزدا وتەتىن ۋكرايناداعى پرەزيدەنتتىك سايلاۋدى، مامىرعا جوسپارلانعان ەۋروپارلامەنتتەگى داۋىس بەرۋ ورتالىقتارىن تەكسەرەدى. ياعني اق ءۇي ۇسىنعان بۇل جوبا ماسكەۋدىڭ سايلاۋ پروتسەسىنە ارالاسۋ فاكتىلەرىن انىقتاۋمەن دە اينالىسادى.
ايتا كەتەيىك، 2016 جىلى اقش-تا وتكەن پرەزيدەنتتىك سايلاۋعا رەسەيلىك حاكەرلەر ارالاستى دەلىنگەن. سونداي-اق ماسكەۋ مولدوۆا، ۋكراينا، بەلارۋس جەرىندە پرەزيدەنتتىك سايلاۋعا تىكەلەي ارالاسادى دەگەن اقپارات تارادى.
شەرزاتتىڭ ءولىمى ىسىنە قاتىستى قۇپيا ۆيدەونى جاريالاۋ كىمگە كەرەك بولدى؟ – ساراپشىلار مەديا سىنى
24 قازان – كىتاپحاناشىلار مەرەكەسى قۇتتى بولسىن!
«ۋچاسكەدەن ارۋاققا كوك حات»: الماتىدا مارقۇمعا كەلگەن شاقىرتۋ
كوميسسيا مەن باقىلاۋشى ەسەبىندەگى ايىرماشىلىق: الماتىدا رەفەرەندۋم قالاي ءوتىپ جاتىر؟
ء"ادىل قازاقستان، ەستيتىن مەملەكەت" ەندى ادۆوكاتتارعا قىسىم جاساي باستادى ما؟
«پسەۆدو-بايقاۋشى» الدە كاسىبي باقىلاۋشى: رەفەرەندۋمدى كىم باقىلايدى؟