ەۆرەي جاساقتارى پلاستيك وقتار پايدالانعان. فوتو: The Indian Express.

راماللاح قالاسىندا يزرايل قارۋلى كۇشتەرى مەن پالەستينالىق ستۋدەنتتەر اراسىندا قاقتىعىس بولدى. بۇل تۋرالى «انادولى» اقپارات اگەنتتىگى حابارلاعان ەدى.

نارازىلىق شەرۋىنە باتىس شەرياداعى راماللاح قالاسىنىڭ بىرزەيت ۋنيۆەرسيتەتى ستۋدەنتتەرى شىققان. ولار يزرايل اسكەرىنىڭ وعىنان قازا تاپقان پالەستينالىق جاسوسپىرىمدەردى ەسكە الىپ، ەۆرەي جاساقتارىنا قارسى نارازىلىعىن بىلدىرمەك بولعان.

ستۋدەنتتەر يزرايل قارۋلى كۇشتەرىنىڭ ءتان بەيت-يل اسكەري شتابىنىڭ جولىن جاۋىپ تاستاعان. ەرەۋىلشىلەردى تاراتۋ ماقساتىندا يزرايل اسكەرلەرى جاساۋراتقىش گاز جانە پلاستيكالىق وقتاردى پايدالانعان. نارازى توپ قارۋلى كۇشكە قارسى تاس لاقتىرعان.

باتىس شەريا مەن شىعىس يەرۋساليمدە نارازى پالەستينالىقتار مەن ەۆرەي قارۋلى جاساعى ءجيى قاقتىعىسۋدا. وسىدان بۇرىنعى ءدال وسىنداي قاقتىعىستا ەكى جاسوسپىرىمگە وق ءتيىپ قازا تاپقان ەدى.

“The Qazaq Times”