سىرتقى الەم قىتايدىڭ تاجىكستانداعى اسكەرلەرىنىڭ ماقساتىن انىق بىلمەيدى

اقپارات كوزدەرىنىڭ مالىمدەۋىمەن، ورتالىق ازيا مەملەكەتى تاجىكستاندا قىتايدىڭ كوپتەگەن اسكەرلەرى ورنالاسقانى تۋرالى حابار تاراعاننان كەيىن، قىتاي قورعانىس مينيسترلىگى رەسمي مالىمدەمە جاساپ حاباردى راستادى. قىتاي قورعانىس مينيسترلىگىنىڭ وكىلى قىتاي-تاجىكستان اراسىندا اسكەري-قورعانىس ىنتىماقتاستىعىن جۇزەگە اسىرعاندارىن مالىمدەدى.

قىتاي قورعانىس مينيسترلىگىنىڭ وكىلى رىن گوچيان 28 اقپان كۇنى وتكىزىلگەن ءباسپاسوز جيىنىندا: «قىتاي-تاجىكستان اراسىنداعى قورعانىس ىنتىماقتاستىعى حالىقارالىق قۇقىقتار مەن بۇۇ قاۋىپسىزدىك كەڭەسى قابىلداعان قارارلارعا ساي كەلە تالاپتارىنا ساي كەلەدى. سونداي-اق، بۇل قادام ەكى ەلدىڭ قاۋىپسىزدىك كۇشتەرىنە جانە ايماقتىڭ تۇراقتىلىعى مەن قاۋىپسىزدىگىنە پايدالى»، – دەپ ءتۇسىندىردى.

بىراق، قىتاي قورعانىس وكىلى اۋعانستانداعى ۆاحان دالىزىندە قىتاي قارۋلى كۇشتەرىنىڭ ورنالاسقانى تۋرالى مالىمەتتى جانە بۇعان دەيىن قىتايدىڭ اۋعانستانعا اسكەر كىرگىزۋ جوسپارى تۋرالى بارلىق اقپاراتتاردى جوققا شىعاردى.

الايدا، امەريكالىق اقپارات اگەنتتىكتەرى قىتايدىڭ اۋعانستان جەرىندەگى اسكەري وپەراتسيالاردان باس تارتقانىمەن، اتالعان ورىندا قىتاي تارابى اسكەري تەحنيكالاردى ورنالاستىرعانىن ايتادى.

ۆاحان ءدالىزى – اۋعان ءدالىزى دەپ تە اتالادى، اۋعانستاننىڭ قىتايمەن شەكارالاساتىن تار تەرريتوريالىق اۋماعى. بۇل جانە تاجىكستان مەن پاكىستاندى ءبولىل تۇرعان ءدالىز. ال، قىتايدىڭ قاشقار، حوتان ايماقتارىنا تۇسپا-تۇس كەلەدى. كونە جىبەك جولىنىڭ ءبىر تارماعى دا وسىندا.

مالىمەتتەرگە قاراعاندا، قىتاي تاجىكستانداعى اسكەري گارنيزونىن قۇپيا ۇستاعىسى كەلەدى. الايدا، «ۋاشينگتون پوست» باسىلىمىنىڭ جاريا ەتكەن حابارىندا، قىتاي تاجىكستاندا ءوز شەكاراسىنان 30 شاقىرىم، ۆاحان دالىزىنەن 12 شاقىرىم قاشىقتىقتا كولەمدى اسكەري بازاعا يە بولعان.

قازىر سىرتقى الەم قىتايدىڭ بۇل اسكەري كۇشتەرىنىڭ ماقساتى تۋرالى انىق ەشتەڭە بىلمەي وتىر. قىتاي قورعانىس وكىلى دە بۇل تۋرالى جاق اشپادى.

“The Qazaq Times”