اقش پرەزيدەنتى دونالد ترامپ پەن كحدر پرەزيدەنتى كيم چەن ىن. فوتو: sputnik.by

ۆەتنام استاناسى حانويدا اقش پرەزيدەنتى دونالد ترامپ پەن كحدر كوشباسشىسى كيم جوڭ ىڭ اراسىنداعى كەزدەسۋ باستالدى.

تانىمال Sofitel Legend Metropole قوناق ۇيىندە ءوتىپ جاتقان شارانى حالىقارالىق ءباسپاسوز-ورتالىقتارى تىكەلەي كورسەتۋدە.

اق ءۇي بۇل كەزدەسۋ تۋرالى وسىدان ءبىراز ۋاقىت بۇرىن ءوز جوسپارلارىمەن بولىسكەن بولاتىن. ياعني، كيم جوڭ ىڭ مەن ترامپ اراسىنداعى كەزدەسۋ نەبارى 20 مينۋتقا عانا سوزىلادى دەپ كۇتىلۋدە. بۇدان كەيىن قوناقاسى وتەدى. اقش باسشىسىنىڭ كەستەسىندە العاشقى كەزدەسۋ نەبارى 1,5 ساعاتقا  عانا بەلگىلەنگەن.

سونىمەن قاتار، تالقىلاۋدىڭ كەلەسى كەزەڭدەرى ەرتەڭگە جوسپارلانعان.

جيىن بارىسىندا قوس ەل باسشىسى سينگاپۋردەگى العاشقى كەزدەسۋ بارىسىندا كەلىسىلگەن ماسەلەلەرگە دە توقتالماق. وسىدان كەيىن، كورەي سوعىسى كەزىندە جوعالعان امەريكالىق ساربازداردىڭ ءمايىتىن اقش-قا قايتارۋ تۋرالى تاقىرىپ تالقىلانباق.

الايدا، قوس ەلدىڭ باسشىلارى دا بۇل كەزدەسۋدە بىتىمگە كەلۋدى جوسپارلاپ كەلگەندىگى بەلگىلى. دەسە دە، يادرولىق قارۋ تاقىرىبىندا كيم جوڭ ىڭ ءوزىن قالاي كورسەتەتىندىگى جيىن سوڭىندا بەلگىلى بولادى.

"The Qazaq Tımes"