كحدر كوشباسشىسىنىڭ اعاسىن الەمدەگى ەڭ قاۋىپتى تاكسينمەن ۋلاپ ولتىرگەن دەپ حابارلايدى bbc.com. مالازيا پوليتسياسىنىڭ مالىمدەمەسى بويىنشا  كيم چون نامنىڭ ءولىمى سوعىس كەزىندە قولدانىلاتىن اسا قاۋىپتى كاتەرگورياعا جاتاتىن ۋلى قارۋدىڭ تاكسينىنەن ۋلانۋ سالدارىنان بولعان. ماماندار ءمايىتتىڭ بەتىندە، كوزىندە قالعان توكسيننىڭ قالدىقتارىنا جاسالعان ساراپتاما ناتيجەسى بويىنشا ۋلى زاتتىڭ «VX» حيميكاتى ەكەندىگىن انىقتاعان.

VX – جاساندى سينتەزدەلگەن ەڭ ۋىتتى سوعىس قارۋى. ول تىكەلەي ادامنىڭ جۇيكە-جۇيەسىنە اسەر ەتىپ، از ۋاقىتتىڭ ىشىندە ۋلانعان ادام ءولىم قۇشادى.

VX گازى بۇۇ-نىڭ بەكىتۋىمەن جاپپاي قىرۋعا باعىتتالعان حيميالىق قارۋ. بەلگىلى اقپارات بويىنشا بۇل قارۋدىڭ قورى تەك اقش، رەسەي، سيريا سەكىلدى بىرنەشە عانا ەلدەردە عانا تىركەلگەن.

سولتۇستىك كورەيا باسشىسىنىڭ اعاسى وتكەن اپتادا كوالا-لۋمپۋرا اۋەجايىندا ولتىرىلگەن. قىلمىس ۋلى حيميالىق گاز سىڭىرىلگەن ورامالدى قۇرباننىڭ بەتىنە لاقتىرۋ ارقىلى ەكى ايەلدىڭ قاتىسۋىمەن ورىن العان. ءبىرى كيم چون نامنىڭ كوڭىلىن اۋدارىپ سوزگە اينالدىرىپ تۇرعان كەزدە، ەكىنشى قىلمىسكەر ۋلاعان ورامالدى بەتىنە لاقتىرىپ ۇلگەرگەن.

The Qazaq Times