اقش پەن قىتاي ساۋدا كەلىسسوزىنە بەرىلگەن شەكتەۋلى مەرزىم اياقتالۋعا جاقىن قالدى. ارگەنتينادا اقش پەن قىتاي باسشىسى اراسىنداعى كەزدەسۋدە ساۋدا كەلىسىمىنە 90 كۇن ۋاقىت بەرۋگە كەلىسكەن. 1 ناۋرىزعا دەيىن كەلىسىمگە كەلە الماسا، قۇراما شتات باستاپ ءبىر-ءبىرىنىڭ تاۋارلارىنا تاريفتەردى كوتەرمەك.

بۇعان دەيىن ەكى ەل اراسىنداعى كەلىسسوزدىڭ بىرنەشە راۋندتى ءوتتى. كەشە اقش پرەزيدەنتى دونالد ترامپ مالىمدەمە جاساپ، اقش-قىتاي ساۋدا كەلىسسوزىنىڭ بىرتىندەپ دامىپ كەلە جاتقانىن ايتتى. ول جانە وسى اپتادا قۇراما شتات تارابى بەيجىڭگە كەلىسسوز وكىلدەرىن جىبەرىپ جاتقانىن دا مالىمدەدى.

وسىدان بۇرىن جاريالانعان ساۋدا كەلىسسوزىنىڭ كەستەسىنە سايكەس، اقش ساۋدا وكىلى مەن قارجى ءمينيسترى قىتايدىڭ ۆيتسە-پرەمەرى بۇگىن كەزدەسكەن. بەيجىڭدەگى سويلەسۋلەر 14-15 اقپان كۇندەرى وتەدى دەپ جوسپارلانعان.

بەيجىڭگە جەتكەن اقش كەلىسسوز وكىلدەرى قىتايدىڭ بىرنەشە مينيسترلىگىمەن كەزدەسۋ وتكىزەتىن بولادى. پرەزيدەنت ترامپتىڭ جۋرناليستەرگە بەرگەن جاۋابىندا، قۇراما شتات ءوزىنىڭ ءۇش نەگىزگى تالابىن قاتاڭ ساقتايدى. قىتايدان زياتكەرلىك مەنشىك قۇقىعىنىڭ قورعالۋىن، شەتەلدىك كومپانيالارعا ورتاق مامىلە جاراتۋىن، تەحنولوگيالاردى ءماجبۇرلى وتكەرىپ بەرۋ تالابىن جويۋ سىندى تالاپتارى ورىندالعاندا عانا كەلىسىمگە كەلەتىنىن ايتقان.

“The Qazaq Times”