تۇركيانىڭ ستامبۋل قالاسىنداعى شەكمەكەي تۇرعىن اۋدانىنا اسكەري تىكۇشاق قۇلادى. اپات بولعان وقيعادان ءتورت اسكەري قىزمەتكەر قازا تاپقان. بۇل تۋرالى ستامبۋل قالاسىنىڭ مەرى ءالي ەرليكايا حابارلادى.

4 تۇركيا اۋەپولكىنە تيەسىلى تىكۇشاقتىڭ قانداي جاعدايدان قۇلاعاندىعى بەلگىسىز. اۋەدە 34 مينۋت قالىقتاعان تىكۇشاقتىڭ وقيعاسىنا بايلانىستى ستامبۋل قالاسىنىڭ پروكۋراتۋراسى تەرگەۋ جۇمىستارىن باستادى.

ەستەرىڭىزگە سالا كەتەيىك، اتالعان جاعداي سوڭعى ءۇش ايدا ستامبۋلدا بولعان ەكىنشى قايعىلى جاعداي. قاراشا ايىنىڭ سوڭىنا قاراي ارنايى جاتتىعۋ بارىسىندا تاعى ءبىر تىكۇشاق قالا ورتاسىنداعى تۇرعىن ۇيلەردىڭ ماڭىنا قۇلاپ ءتورت سارباز قازا تاپقان بولاتىن.

“The Qazaq Times”