ۆەنەسۋەلا پرەزيدەنتى نيكولاس مادۋرو اق ءۇي باسشىسى دونالد ترامپقا حات جولدادى.

مادۋرو حاتتا اقش-تىڭ ۆەنەسۋەلا ىستەرىنە ارالاسۋىن توقتاتۋىن جانە بۇل ىسكە قارسى كەمىندە ون ميلليون قول جيناپ، اكتسيا وتكىزەتىنىن ايتقان. وسىعان دەيىن گۋايدوعا قولداۋ كورسەتكەن ترامپ سي-بي-ەس تەلەارناسىنا سۇحبات بەرىپ، ۆەنەسۋەلاعا سىرتقى كۇشتىڭ ارالاسۋى «قاقتىعىستاردى ۋشىقتىرادى» دەدى. ال مادۋرو ترامپقا «ۆەنەسۋەلا ەكىنشى ۆەتنام بولاتىنىن» ەسكەرتتى.

اقش پەن باسقا دا كوپتەگەن ەلدەر نيكولاس مادۋرونى مەملەكەتتىڭ زاڭدى باسشىسى دەپ سانامايدى. ەۋروپارلامەنت جانە وزگە دە مەملەكەتتەر وتكەن اپتادا ءوزىن پرەزيدەنت مىندەتىن اتقارۋشى دەپ جاريالاعان ۆەنەسۋەلا وپپوزيتسيالىق پارلامەنتىنىڭ كوشباسشىسى (ۇلتتىق اسسامبلەيا) حۋان گۋايدونى ەلدىڭ ليگيتيمدى باسشىسى رەتىندە تانىدى. ال رەسەي جانە قىتاي «ديكتاتور باسشى» اتانعان مادۋروعا قولداۋ ءبىلدىردى. سونىمەن قاتار، وتكەن اپتادا يسپانيا، گەرمانيا، فرانتسيا، ۇلىبريتانيا، نيدەرلاندى، پورتۋگاليا جانە اۋستريا مادۋرو بيلىگىنە ۋلتيماتۋم قويدى.

"The Qazaq Times"