اقش قارۋلى كۇشتەرى ورتالىق باسقارماسىنىڭ باسشىسى جوزەف ۆوتەل

اقش ورتالىق ازيا ەلدەرىنىڭ رەسەيدەن قارۋ-جاراق ساتىپ الۋىن توقتاتۋعا ۇمىتىلادى.

اقپان ايىنىڭ 5-ءى كۇنى اقش كونگرەسىنىڭ قارۋلى كۇشتەر ماسەلەسى بويىنشا كوميتەت وتىرىسىندا اقش قارۋلى كۇشتەرى ورتالىق باسقارماسىنىڭ باسشىسى جوزەف ۆوتەل ورتالىق ازيا ەلدەرىنە قاتىستى مالىمدەمە جاسادى.

«ءبىز ورتالىق ازيا ەلدەرىنىڭ رەسەيدەن قارۋ-جاراق ساتىپ الۋىن توقتاتقىمىز كەلەدى. بىراق اقش اسكەري قۇرىلعىلارىنىڭ قىمباتتىعى قازاقستان سياقتى ەلدەرگە الداعى ۋاقىتتا دا ۇلكەن پروبلەما بولىپ قالا بەرمەك. وزبەكستان ساتىپ الۋعا مۇددەلى اقش تەحنيكالارى مەن قۇرىلعىلارىنىڭ ءتىزىمىن جاسادى. بۇل وزبەكستاندى رەسەي نارىعىنان وزگە باعىتقا الىپ كەتەتىن مۇمكىندىك» - دەدى ۆوتەل.

بۇدان بولەك ول: «ءبىز ماسكەۋدىڭ ءوز اسكەري بازالارىن كۇشەيتىپ جاتقانىنا قاراماستان تاجىكستانمەن اسكەري قارىم-قاتىناس ورناتۋىمىزدى جالعاستىرىپ جاتىرمىز» - دەپ مالىمدەدى.

"The Qazaq Times"