جاپونيانىڭ تىكۇشاق تاسىمالداۋشى كەمەسى. فوتو: BVOA.

جاپونيا قورعانىس تاراۋلارى وڭتۇستىك كورەياداعى حالىقارالىق تەڭىز اسكەري وقۋ-جاتتىعۋىنا قاتىساتىن ءىرى اسكەري كەمەلەرىنىڭ ساپارىن توقتاتقانىن مالىمدەدى. سوڭعى جىلدارى جاپونيا مەن وڭتۇستىك كورەيا قارىم-قاتىناسى بارعان سايىن سالقىنداي تۇسۋدە.

جاپونيا قورعانىس مينيسترلىگى جاساعان مالىمدەمەدە: «بيىل ءساۋىر ايىندا وڭتۇستىك كورەيانىڭ پۋسان قالاسىندا وتكىزىلەتىن حالىقارالىق تەڭىز اسكەري جاتتىعۋىنا تىكۇشاق تاسىمالداۋشى «يزۋمو» كەمەسىن جىبەرۋ جوسپارى توقتاتىلدى»، – دەلىنگەن.

اتالعان جاتتىعۋعا وڭتۇستىك شىعىس ازيا ەلدەرى قاتىسادى دەپ جوسپارلانعان جانە جاتتىعۋ وڭتۇستىك كورەيا مەن سينگاپۋر اراسىنداعى تەڭىز ساۋدا تاسىمال جولىندا وتكىزىلمەك.

جاپونيا مەن وڭتۇستىك كورەيا دا اقش-تىڭ ماڭىزدى وداقتاسى ءارى تىعىز ەكونوميكالىق قاتىناستاعى ەلدەر. الايدا، ەكى ەل اراسىندا كەيبىر تەرريتوريالىق داۋلار مەن تاريحي قايشىلىقتار بار.

«رەيتەر» اگەنتتىگىنىڭ حابارىنا قاراعاندا، بىلتىر قازان ايىندا دا جاپونيا وڭتۇستىك كورەيادا وتكىزىلگەن تەڭىز قورعانىس كۇشتەرىنىڭ حالىقارالىق شاراسىنا اسكەري كەمەلەرىن جىبەرۋدى توقتاتقان. سەبەبى، وڭتۇستىك كورەيا تارابى توكيودان شاراعا قاتىساتىن جاپون كەمەلەرىندەگى «كۇن جالاۋىن» الىپ تاستاۋدى تالاپ ەتكەن. ۇيتكەنى، كوپتەگەن وڭتۇستىك كورەيالىقتار جاپون تەڭىز فلوتىنىڭ جالاۋى جاپوندىق سوعىس اگرەسسياسىنىڭ سيمۆولى دەپ سانايدى.

جەلتوقسان ايىندا دا ەكى ەل اراسىندا اسكەري اۋە كۇشتەرىنىڭ قيمىلدارىنا بايلانىستى داۋ تۋىلدى. جاقىن جاتقان شىعىس ازيا بارىستارى وڭىردە ءجيى شارماياقتاسىپ قالىپ جاتادى. بۇل ەكى ەل اراسىنداعى قارىم-قاتىناسقا سالقىنىن تيگىزۋدە.

“The Qazaq Times”