ەۋروپارلامەنت ۆەنەسۋەلا وپپوزيتسياسىنىڭ جەتەكشىسى حۋان گۋايدونى ەل پرەزيدەنتى رەتىندە مويىنداپ، ەلدەگى بيلىككە قاتىستى ساياسي جوسپارلارىمەن تانىستى.

«The New York Times» اقپاراتىنشا، وسىعان دەيىن گۋايدو اسكەريلەرمەن قۇپيا تۇردە كەزدەسىپ، راقىمشىلىق جاريالاۋ ماسەلەسىن تالقىلاعان. ال بۇگىن وتكىزگەن جيىندا ۆەنەسۋەلاداعى ساياسي-ەكونوميكالىق داعدارىستى توقتاتۋ ءۇشىن وتپەلى ۇكىمەت قۇرىپ، جاڭا سايلاۋ وتكىزۋ تۋرالى ۇسىنىس بىلدىرگەن. الداعى ۋاقىتتا گۋايدو ۇسىنعان جوسپارلار تالقىلانباق.

ۆەنەسۋەلادا 21 قاڭتاردان بەرى قازىرگى پرەزيدەنت نيكولاس مادۋروعا قارسى شەرۋلەر بولىپ جاتىر. العاشقى شەرۋدى ەل اسكەريلەرى وتكىزدى. 23 قاڭتاردا ۇلتتىق اسسامبلەيا باسشىسى حۋان گۋايدو ءوزىن ۋاقىتشا پرەزيدەنت دەپ جاريالاپ، ەلدە سايلاۋ وتكىزەتىنىن ايتقان. وپپوزيتسيونەردى ليگيتيمدى مەملەكەت باسشىسى رەتىندە اقش، كانادا، برازيليا، چيلي، ارگەنتينا، كولۋمبيا، كوستا-ريكا، گۆاتەمالا، گوندۋراس، پاناما، پاراگۆاي جانە پەرۋ ەلدەرى مويىندادى.

"The Qazaq Times"