فوتو: FullPicture.ru

تانزانياداعى بۇۇ-نىڭ وكىلدەرى جومبي اۋدانىندا قازا تاپقان بالالاردىڭ ىسىنە الاڭداۋلى. قاتاڭ باقىلاۋىنا العان ۇيىم مۇشەلەرى تەز ارادا قىلمىسكەرلەردى انىقتاپ، جازالاۋدى تالاپ ەتىپ وتىر.

بۇۇ-نىڭ مالىمەتىنە سۇيەنسەك، سوڭعى ءبىر اپتا ىشىندە جومبي ايماعىندا 3 جاستان 6 جاسقا دەيىنگى 10 بالانى ءولتىرىپ كەتكەن. ونىڭ ىشىندە ءبىر وتباسىنىڭ ءۇش ءبۇلدىرشىنى بار.

نەگىزىنەن قازا تاپقان بالالاردىڭ وكپەسى مەن رەپرودۋكتيۆتى اعزالارى كەسىلگەن. مۇنداي ايۋاندىقپەن جاسالعان كىسى ءولىمى جەرگىلىكتى ءوڭىردىڭ سەنىمى بولۋى مۇمكىن ەكەن دەپ وتىر. سەبەبى، ءبىر كەزدەرى جومبيدە ءالبينيزمدى ادامداردى قۇباندىققا شالىپ وتىرعان. سوڭعى ءبىر-ەكى جىلدا تولىقتاي تىنىشتالعانىمەن، قايتادان باستاۋ الۋى دا عاجاپ ەمەس دەيدى ماماندار.

تانزانيا پوليتسەيلەرى جەرگىلىكتى تۇرعىنداردىڭ ىشىنەن بىرنەشە ازاماتتى كۇدىكتى رەتىندە تۇتقىنعا العان. ونىڭ ىشىندە قازا تاپقان ءبىر ءبۇلدىرشىننىڭ اعاسى دا بار. الايدا، ناقتى دالەلدەر مەن قىلمىسكەرلەردىڭ قاتىسى بار ەكەندىگى انىقتالماي وتىر.

وسى جاعدايعا بايلانىستى بۇۇ-نىڭ تانزانياداعى وكىلدەرى جەرگىلىكتى بيلىك وكىلدەرىنە بارلىق شارالاردى ورىنداپ، كىنالىلەردى تابۋدى تالاپ ەتۋدە. سونىمەن قاتار، تانزانيالىق اتا-انالارعا كىشكەنتاي بۇلدىرشىندەردى قاراۋسىز قالدىرۋعا بولمايتىندىعىن ايتىپ ناسيحات جۇمىستارىن جۇرگىزدى.

"The Qazaq Times"