استانا قىرعىز ديپلوماتىنا نارازىلىق نوتاسىن تاپسىردى

قازاقستاننىڭ سىرتقى ىستەر مينيسترلىگى ء(سىم) قىرعىزستاننىڭ ۋاقىتشا سەنىمدى ءوكىلى قايناربەك توكتومۋشەۆكە قىرعىزستان پرەزيدەنتى المازبەك اتامباەۆتىڭ Euronews تەلەارناسىنا بەرگەن سۇحباتىندا قازاقستانعا قاتىستى ايتقان سءوزدەرىنە بايلانىستى نوتا تاپسىردى دەپ جازادى "ورتالىق ازيا حابار قىزمەتى". 

ءسىم اقپاراتىنا قاراعاندا، توكتومۋشەۆ 21 اقپاندا مينيسترلىككە شاقىرىلىپ، وعان سىرتقى ىستەر ءمينيسترىنىڭ ورىنباسارى عالىمجان قويشىباەۆ استانانىڭ "قىرعىزستان پرەزيدەنتىنىڭ 17 اقپاندا ايتقان سوزىنە بايلانىستى تاڭدانىسى مەن كەلىسپەۋشىلىگى" بىلدىرىلگەن نوتا تاپسىرعان.

نوتادا وسى كەزگە دەيىنگى ءتۇرلى دەڭگەيلەردەگى كەلىسسوزدەردە رەسمي بىشكەكتىڭ "بلوكادا مەن ادام شىعىنى" ماسەلەسىن كوتەرمەگەنى ايتىلعان.

قىرعىز پرەزيدەنتى المازبەك اتامباەۆ 17 اقپاندا Euronews تەلەارناسىنا سۇحبات بەرگەن. ول "ەاەو رەسەي مۇددەسىنە كوبىرەك جۇمىس ىستەيدى دەپ ەسەپتەمەيسىز بە؟" دەگەن سۇراققا "بۇل وداققا كىرمەسەك، وقشاۋ قالىپ قوياتىن ەدىك" دەگەن سارىندا جاۋاپ بەرگەن. ول: "2010 جىلى قازاقستان بىزگە ءبىر جارىم اي بلوكادا جاساپ تاستاعان كەزدە بىزدە ادام شىعىنى دا بولدى" دەگەن.

بىرەر كۇن بۇرىن قازاقستان سىرتقى ىستەر مينيسترلىگى "المازبەك اتامباەۆتىڭ ءسوزىن ەسكەردىك. ەندى قىرعىزستان تاراپىنان تۇسىنىكتەمە كۇتىپ وتىرمىز" دەپ مالىمدەگەن.

قىرعىزستان سىرتقى ىستەر ءمينيسترىنىڭ ءبىرىنشى ورىنباسارى دينارا كەمەلوۆا كەشە قازاقستاننىڭ وسى ەلدەگى ەلشىسى ايىمدوس بوزجىگىتوۆتى قابىلداپ، اتامباەۆتىڭ سوزىنە تۇسىنىك بەرگ. كەمەلوۆا 2010 جىلعى ءساۋىر وقيعاسىنا بايلانىستى قازاقستان جاعى شەكاراسىن جاۋىپ، شەكتەۋ ەنگىزگەندە قىرعىزستان ازاماتتارىنا كادىمگىدەي قيىندىقتار تۋىنداپ، ول ادام ولىمىنە دەيىن اكەلىپ سوقتىرعانىن ايتقان، وعان مىسالدار دا كەلتىرگەن.

«The Qazaq Times»