ۆەنەسۋەلا اسكەريلەرى كوتەرىلىسكە شىقتى

ۆەنەسۋەلا اسكەريلەرى كوتەرىلىسكە شىقتى.

كاراكاس قالاسىنداعى گۆارديا بەكەتىنە ءبىر توپ قارۋلانعان جاساق شابۋىل جاساپ، بيلىك باسشىسىنىڭ اۋىسىۋىن تالاپ ەتكەن. جاقىندا Twitter-دە بەلگىسىز ءبىر سەرجانت ۇندەۋ جاريالاپ، ەل پرەزيدەنتى نيكولاس مادۋرونى قىزمەتىنەن كەتىرۋگە شاقىرعان بولاتىن. ۇندەۋدەن سوڭ بىرنەشە وپپوزيتسيونەرلەر بيلىككە قارسى شەرۋ ۇيىمداستىردى. جەرگىلىكتى بيلىك تاراپى بۇل وقيعاعا ۇكىمەت اسكەرىنىڭ ەش قاتىسى جوق ەكەندىگىن ايتىپ وتىر.

وسىعان دەيىن اقش «ديكتاتور باسقارۋشى» اتانعان نيكولاس مادۋروعا قارسى سانكتسيالار جاريالاپ، مەملەكەت باسشىسى اۆتوريتارلىق ديكتاتۋراعا ۇمتىلۋدان باس تارتپايىنشا، امەريكانىڭ ەكونوميكالىق جانە ديپلوماتيالىق كۇشتەرىن تۇگەل ۆەنەسۋەلا حالقىنىڭ دەموكراتيا ورناتۋ جولىنداعى كۇرەسىنە كومەككە ارنايتىنىن حابارلاعان بولاتىن. ال ۆەنەسۋەلا حالقى پرەزيدەنتتىڭ بيلىكتەن كەتۋىن تالاپ ەتىپ، بىرنەشە مارتە ەرەۋىلدەر وتكىزگەن.

"The Qazaq Times"