كەرشەن بۇعازىندا ەكى كەمە جارىلدى

كەرشەن بۇعازىندا ەكى كەمە ورتكە وراندى. بۇل تۋرالى روسموررەچفلوت ءباسپاسوز-قىزمەتى حابارلاپ وتىر.

ءباسپاسوز-قىزمەتىنىڭ اقپاراتتارىنا سۇيەنسەك، ەكى كەمە بورتىندا تۇركيا، ءۇندىستان جانە رەسەيدىڭ 31 ازاماتى بولعان. سونىمەن قاتار تەڭىز كولىگىنىڭ ەكەۋىندە دە تانزانيا جالاۋى جەلبىرەگەنى انىقتالىپ وتىر.

بولجام بويىنشا، ءبىر كەمەدەن ەكىنشى كەمەگە جانارماي وتكىزۋ كەزىندە جارىلىس شىققان. قازىرگى تاڭدا ناقتى ءورتتىڭ نەدەن پايدا بولعانى انىقتالۋ ۇستىندە.

ەستەرىڭىزگە سالا كەتەيىك، وسىدان ءبىراز ۋاقىت بۇرىن ءدال وسى كەرشەن بۇعازىندا ۋكراينانىڭ قوسى كەمەسىن رەسەي اسكەرى تۇتقىنداپ، شەكارالىق ءتارتىپتى بۇزدى دەپ ايىپتاعان بولاتىن. وسىدان كەيىن، ۋكراينا بيلىگى ەلدە 30 كۇندىك سوعىس جاعدايىن جاريالادى.

“The Qazaq Times”