انجەلينا جولي – كامبودجاداعى گەنوتسيد، برەد پيتت جانە ترامپ جايلى

انجەلينا جولي (Angelina Jolie) كامبودجاداعى ءوزىنىڭ جاڭا ءفيلمىن ۇسىنا وتىرىپ، بۇل ەل وعان «جاندانۋ» ەلى بولعانىن مالىمدەدى.

ءارتىس بي-بي-سيگە بالا كەزىندە قىزىل كحمەرلەر ورناتىلعان گەنوتسيدتى باقىلاعان، ءوز كوزىمەن كورگەن ادامنىڭ ىڭگىمەسى بويىنشا تۇسىرىلگەن «الدىمەن ولار مەنىڭ اكەمدى ءولتىردى» ءفيلمىنىڭ كورسەتىلىمى قارساڭىندا ايرىقشا سۇحبات بەردى.

انجەلينانىڭ ءسوزى بويىنشا، ول رەجيسسەر رەتىندە قاتىسقان فيلم كامبودجي ادامدارىنا سول كەزدە العان تەرەڭ جارالارى تۋرالى اشىق ايتۋعا كومەكتەسۋگە شاقىرىلعان.

گەنوتسيد كەزىندە بۇل ەلدە 2 ملن-عا جۋىق ادام قازا تاپتى.

بۇۇ-نىڭ قاشقىندار ءىسى بويىنشا جوعارعى كوميسسار باسقارماسىنىڭ ارنايى ەلشىسى بولعان جولي كامبودجادا العاش رەت 2001 جىلى «لارا كروفت: مازارلاردى ۇرلاۋشى» ءفيلمىنىڭ ءتۇسىرىلىمى كەزىندە بولعان. كەيىننەن ول ۇلكەن ۇلى مەددوكستى كامبودجادان اسىراپ العان.

«مەن بۇل ەلگە كەلدىم، ونىڭ حالقىنا عاشىق بولدىم جانە ونىڭ تاريحىن تانىپ-ءبىلدىم»،-دەدى ول بي-بي-سي ءتىلشىسى يالدا حاكىمگە بەرگەن سۇحباتىندا. سول كەزدە مەن قورشاعان الەم تۋرالى قانشالىقتى از بىلەتىنىمدى ءتۇسىندىم. بۇل ەل ماعان «جاندانۋ» ءۇشىن كومەكتەستى. جانە دە مەن بۇل ەلگە ءاردايىم العىسىمدى ايتامىن. «مەن بۇل ەلدىڭ ماعان بەرگەنىن ەشقاشان قايتارا المايتىن سياقتىمىن» - دەيدى ول.

تۇسىنىكسىز تراگەديا

«الدىمەن ولار مەنىڭ اكەمدى ءولتىردى» ءفيلمى جازۋشى لۋن ۋننىڭ ءبىر اتتاس كىتابى جەلىسىندە تۇسىرىلگەن.

ەلدى 1975-1979 جىلدارى ارالىعىندا بيلەگەن، پول پوتتىڭ باسشىلىعىندا بولعان قىزىل كحمەرلەر ءتارتىبى ونىڭ وتباسىن پنومپونە استاناسىنداعى ءۇيىن تاستاپ كەتۋگە ماجبۇرلەگەن كەزدە ول نەبارى 5 جاستا بولاتىن.

كەيبىر ساناقتار بويىنشا، 2 ملن-عا جۋىق، ياعني ەلدىڭ شيرەك بولىگى ءتارتىپ اسەرىنەن نەمەسە اشتىقتان جانە اۋىر جۇمىستان قازا بولعان.

«مەن بۇل سوعىس جانە وسىدان 40 جىل بۇرىن بولعان وقيعا جەتكىلىكتى تۇردە تۇسىندىرىلمەدى دەپ شەشتىم»،-دەدى دجولي.

ءفيلمنىڭ باستى بولىگى كحمەر تىلىندە دىبىستالعان، بىراق ءدجوليدىڭ ءسوزى بويىنشا، ول كامبودجادا بولعان وقيعانى الەم مەيلىنشە جاقسى ءتۇسىنۋى ءۇشىن تىرىستىم دەيدى، سونىمەن قاتار ول فيلم  جەرگىلىكتى تۇرعىندارعا دا قىزىقتى بولادى دەپ ۇمىتتەنەدى.

«بۇل ادامدارعا بارىنشا اقتارىلۋعا كومەكتەسەدى دەپ ۇمىتتەنەمىن، سەبەبى سول وقيعانىڭ كۋاگەرلەرى بالالارىنا ايتا قويماعان» دەيدى ءارتىس.

قيىن-قىستاۋ كەزەڭدەردى باستان كەشىرە

Netflix كومپانياسى شىعارعان ءفيلمنىڭ الەمدىك كورسەتىلىمى قازىرگى سيەمرەاپ قالاسىنان سولتۇستىككە قاراي ورنالاسقان انگكور-ۆات شىركەۋلىك كەشەنىندە ءوتتى. مۇندا «مازارلاردى ۇرلاۋشى» ءفيلمىنىڭ كوپتەگەن ەپيزودتارى تۇسىرىلگەن.

كورسەتىلىمدە ءجوليدىڭ 6 بالاسىمەن بىرگە كامبودجا كورولى نورودوم سياموني بولدى، ول جوليگە 2005 جىلى قورشاعان ورتانى قورعاۋ بويىنشا قوردا اتقارعان جۇمىسى ءۇشىن العىس رەتىندە ءوز ەلىنىڭ ازاماتتىعىن سىيعا تارتقان بولاتىن، قوردىڭ ۇيىمداستىرۋشىسى جولي بولدى.

وسى كۇنى جولي وتكەن جىلعى قىركۇيەكتە برەد پيتتپەن اجىراسۋعا ارىز جازعاننان بەرى العاش رەت كوپشىلىك الدىنا شىقتى.

پيتت پەن جولي 2004 جىلدان بەرى بىرگە بولدى، بىراق تەك 2014 جىلى تامىز ايىندا  رەسمي تۇردە نەكەگە تۇردى.

«بۇل وتە قيىن بولدى»،- دەپ اعىنان جارىلدى ءارتىس. كوپتەگەن ادامدار مۇنداي جاعدايدى باستارىنان كەشىرەدى. مەنىڭ وتباسىمنىڭ ءاربىر مۇشەسى قيىن-قىستاۋ كەزەڭدى باستان وتكىزدى. بىراق مەن بار زەيىنىمدى بالالارىمىزعا  ارنايمىن...

«ءبىز وتباسىمىز جانە ارقاشان وتباسى بولىپ قالامىز جانە بۇل ماعان قيىندىقپەن كۇرەسۋگە كومەكتەسەدى. مەن بۇل جاعدايدان شىعۋ ءۇشىن، ءبىز ءبىر-بىرىمىزگە جاقىن بولۋ ءۇشىن جانە مىقتى بولۋ ءۇشىن قولىمنان كەلگەندى ايامايمىن»،- دەپ قوستى ول.

ويىنداعىسىن ايتىپ سالۋ تىلەگى

وتكەندە جولي New York Times-قا  دونالد ترامپ ەنگىزگەن، جەتى مۇسىلمان ەلىنە يمميگراتسياعا قويعان قارسىلىققا جاۋاپ رەتىندە ماقالا جازعان بولاتىن. بۇل ماقالادا امەريكانى قورقىنىشقا ەمەس، ناقتى دالەلدەرگە نەگىزدەلگەن شەشىم قابىلداۋعا شاقىرادى.

ول ناقتى ترامپ جايلى ايتپادى، بىراق «امەريكا حالقى – قانداي بولماسىن پرەزيدەنتتەن دە كوپ» دەدى ول.

«مەن ءوز ەلىمە، ول قۇرىلعان قاعيدالارعا، وعان قىمبات قۇندىلىقتارعا  سەنەمىن»، – دەپ باسا ايتتى. «جانە مەن قورقىنىش پەن جەك كورۋشىلىك، ادامداردى ءناسىل بەلگىلەرى بويىنشا ءبولۋ شىن مانىندە امەريكا ءۇشىن جات قىلىقتار» دەپ سانايمىن.

«ءبىر قىزىعى، ءبىز الەمدەگى ادامداردىڭ ءوز ازاماتتىق بوستاندىعى مەن قۇقىقتارى ءۇشىن كۇرەسىپ جاتقاندىعىن جانە ولاردىڭ نە نارسەگە سەنەتىنىن كورىپ وتىرمىز». ءبىز امەريكادا ادامداردىڭ: «بۇل امەريكانشا ما، بۇل كونستيتۋتسيالىق ەمەس» دەپ ايتقاندارىن ەستيمىز. جانە مەن سولاي دەپ سانايمىن».

فاريزا مۇقانوۆا

"The Qazaq Times"