وپەك ۇيىمى مۇناي وندىرۋگە بەلگىلى ءبىر شەكتەۋ قويۋى مۇمكىن

ساۋد ارابياسى مۇناي ءوندىرۋ كولەمىن قىسقارتۋى مۇمكىن.  بۇل تۋرالى ساۋديانىڭ ەنەرگەتيكا ءمينيسترى حاليد ابدۋلازيز ءال-فاتيح CNN تەلەارناسىنا بەرگەن سۇحباتىندا مالىمدەدى.

حاليد ابدۋلازيز ءال-فاتيحتىڭ سوزىنشە، ءدال قازىرگى جاعدايدا جەر استى بايلىعىنا شەكتەۋ قويۋ، جاھاندىق ەكونوميكالىق داعدارىستىڭ الدىن الۋى مۇمكىن. وسى رەتتە وپەك ۇيىمىنا تاۋلىك بويعى وندىرەتىن مۇناي ءونىمىن ازايتۋ تۋرالى ۇسىنىس تاستادى.

«قازىرگى تاڭدا وپەك ۇيىمى الەمدىك نارىققا كوز جۇگىرتىپ، بارلىق جاعدايدى باقىلاۋىندا ۇستاپ وتىر. ەگەر مۇناي ءوندىرۋدى 1,2 ميلليون باررەلگە قىسقارتاتىن بولسا، وندا تالقىلاپ، ءوندىرىس كولەمىن تومەندەتەمىز» دەدى فاتيح.

2018 جىلدىڭ 7 جەلتوقسانىندا وپەك ۇيىمى مۇناي ءوندىرۋشى ەلدەرگە تاۋلىكتىڭ ءونىمدى 1,2 ميلليون باررەلگە قىسقارتۋ تۋرالى شەشىم شىعارعان. ساۋد ارابياسى اتالعان تالاپقا ساي كۇنىنە 500 مىڭ باررەلە دەيىن قىسقارتىپ ۇلگەرگەن. ال، رەسەي 228, يراك 139 مىڭ باررەل قىسقارتتى.

ەستەرىڭىزگە سالا كەتەيىك، سوڭعى ۋاقىتتا مۇناي باعاسى تومەندەپ، دامۋشى ەلدەر ءبىراز قيىندىققا تاپ بولدى. ونىڭ ىشىندە قازاقستان دا بار. تابيعي بايلىققا يەك ارتىپ وتىرعان قازاقستان ءۇشىن مۇناي باعاسىنىڭ قايتادان قالىپقا كەلۋى ءتيىمدى بولماق. الايدا، مۇنىڭ سوڭعى جاۋابىن وپەك ۇيىمى شىعاراتىن بولادى.

“The Qazaq Times”