وزبەكستان پرەزيدەنتى جانىنان شەتەلدىك ينۆەستورلار كەڭەسى قۇرىلادى. بۇل تۋرالى حالىقارالىق ءباسپاسوز كلۋبىنىڭ ماجىلىسىندە ينۆەستيتسيالار جونىندەگى مەملەكەتتىك كوميتەت توراعاسىنىڭ ورىنباسارى لازيز كۋدراتوۆ مالىمدەدى.
ونىڭ ايتۋىنشا، اتالعان كەڭەس شەتەلدىك ينۆەستورلاردىڭ ماسەلەسىن ءتيىمدى شەشۋگە، ۇكىمەتكە ينۆەستيتسيالىق كليماتتى جاقسارتۋعا، سونداي-اق، اشىق جانە ءتيىمدى بيزنەس-ورتانى قالىپتاستىرۋ ءۇشىن ۇسىنىستار ازىرلەۋمەن اينالىساتىن بولادى. اتالعان جوبا ەۋروپالىق قايتا قۇرۋ جانە دامۋ بانكىنىڭ (ەقدب) قاتىسۋىمەن جۇزەگە اسىرىلادى.
بۇدان بولەك، اپتا باسىندا وتكەن جيىندا شاۆكات ميرزيەەۆ جاقىن ارادا شەتەلدىك ينۆەستورلاردى قولدايتىن قور قۇرىلاتىنىن ايتقان بولاتىن. اتالعان قور حالىقارالىق تاجىريبە نەگىزىندە جۇمىس ىستەيدى. سونداي-اق، وزبەك پرەزيدەنتى ينۆەستيتسيالار جونىندەگى مەملەكەتتىك كوميتەتكە جانە سىرتقى ىستەر مينيسترلىگىنە جىلىنا كەمىندە ءبىر رەت شەتەلدىك كومپانيالاردىڭ قاتىسۋىمەن ءار وڭىردە فورۋم وتكىزۋگە جانە شەتەلدە وتەتىن وسىنداي فورۋمدارعا وتاندىق كاسىپكەرلەردى جىبەرۋگە تاپسىرما بەردى.
الماتى وبل پركۋراتۋراسى. بەلسەندىلەر: «جالعان جالامەن قاماۋداعى ايگەرىم مەن دۋمانعا بوستاندىق!»
ارمان الىمبەكوۆ: مەن ول جەردىڭ رەزيدەنتسيا ەكەنىن بىلمەدىم. ەشنارسە بۇلدىرمەدىم.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەزيدەنتسيا ءىسى. ورىنعازى سەرىكبول: بەيبىت شەرۋگە شىقتىم. ال، 269 باپتى مويىندامايمىن
كيبەرشابۋىلعا ۇشىراعان باق وكىلدەرى قۇقىق قورعاۋ ورگاندارىنا ارىز ءتۇسىردى