وقيعادان كەيىن مەكتەپتى پوليتسيا قورشاپ تۇر. فوتو: شينلاڭ.

قىتايدىڭ ورتالىق قالاسى بەيجىڭدە مەكتەپكە جاسالعان شابۋىلدان 20 وقۋشى جاراقات الدى. بۇل تۋرالى سول ەلدىڭ اقپاراتتىق سايتتارى حابارلادى.

پىشاقپەن جاسالعان شابۋىل بەيجىڭدەگى شيچىڭ شاعىن اۋدانىنداعى باستاۋىش مەكتەبىندە بولعان. زارداپ شەككەن وقۋشىلار اۋرۋحاناعا جەتكىزىلگەن. العاشقى مالىمەتتەردە ءۇش بالانىڭ جاعدايى اۋىر ەكەنى ايتىلادى.

جەرگىلىكتى قاۋىپسىزدىك قىزمەتكەرلەرىنىڭ مالىمەتىندە، كۇدىكتى رەتىندە 49 جاستاعى جيا مو ەسىمدى ەر ادامنىڭ تۇتقىندالعانى ايتىلعان. ول بۇعان دەيىن اتالعان مەكتەپتىڭ شارۋالىق بولىمىندە جۇمىس ىستەپ كەلگەن.

قىتايدا سوڭعى جىلدارى مەكتەپكە شابۋىل جاساۋ ارەكەتى ءجيى قايتالانۋدا. بىلتىر ساۋىردە شانشي قالاسىندا مەكتەپكە جاسالعان شابۋىلدان 9 وقۋشى قازا بولىپ، 12 ادام جاراقات العان. كىسى ءولتىرۋشى كەيىن ءولىم جازاسىنا كەسىلدى. بىراق، بۇل جاعدايلار قىتاي قوعامىنداعى ىشكى نارازىلىق كوڭىل-كۇيدى اڭعارتىپ كەلەدى.

“The Qazaq Times”