بىشكەك قالاسىنىڭ تۇرعىندارى قىتاي ساياساتىنا قارسى نارازىلىق شەرۋگە شىقتى

قىرعىزستان استاناسىنىڭ ورتالىعىندا 200-دەن استام نارازىلىق شەرۋگە شىقتى.

قىتاي ەلىنىڭ قايتا دايارلاۋ لاگەرلەرىندەگى قىرعىز قانداستارىنىڭ قىسىمعا ۇشىراعانىن ەستىگەن حالىق، ءبىراز ۋاقىتتان بەرى باس كوتەرىپ كەلەدى. جەلتوقساننىڭ 20-ى كۇنى بىشكەكتەگى قىتاي ەلشىلىگىنىڭ الدىنا بارىپ وزدەرىنىڭ قارسىلىقتارىن بىلدىرسە، ەندى قىرعىز استاناسىنىڭ ورتالىعىندا جوعارعى كەنەشكە ءتورت تالاپ قويىپ وتىر.

جاپپاي ميتينگىگە شىققان حالىق:

- قىرعىز قىزدارىنىڭ قىتاي ازاماتتارىنا تۇرمىسقا شىعۋىنا زاڭمەن تىيىم سالۋ;

- قىتايلاردى ەلگە كىرگىزبەۋ جانە قىرعىز ازاماتتىعىن بەرمەۋ;

- تەز ارادا قىتايدان الىنعان قارىزدى قايتارۋدىڭ جولىن تابۋ;

- اكىمشىلىك ايىپپۇل مولشەرى مەن سالىقتى ازايتۋ.

بىشكەك قالاسىنىڭ شۋ جانە ەركىندىك كوشەلەرىنىڭ قيىلىسىنا جينالعان تۇرعىندار وزدەرىنىڭ قارسىلىقتارىن ءبىلدىرىپ، جوعارعى كەنەشكە قول جيناپ وتكىزدى.

"The Qazaq Times"