پولشادا قۇپيا ويىننىڭ سالدارىنان شىققان ورتتەن بەس ءجاسوسپىرىم قازا تاپتى

پولشانىڭ سولتۇستىك-باتىسىندا ورنالاسقان كوشالين قالاسىندا ۇلكەن ءورت شىعىپ، سالدارىنان 5 ءجاسوسپىرىم قازا تاپتى.

پوليتسيا قىزمەتكەرلەرى 15 جاسار پولشالىق قىز ءوزىنىڭ تۋعان كۇنىن ەرەكشە ۇردىستە اتاپ ءوتۋدى قالاعان. وسىلايشا، جابىق عيماراتتاردا ءتۇرلى باس قاتىرعىشتاردى شەشىپ، ءارتۇرلى جاعدايدان جول تابۋ كوزدەلەتىن كوپكە تانىمال ويىن بۇل وقيعانىڭ سەبىپشىسى بولۋى مۇمكىن دەپ وتىر.

پولشانىڭ جەرگىلىكتى ۋاقىتى بويىنشا كەشكى ساعات 5 شاماسىندا باستالعان ءورتتى ەڭ العاش 25 جاسار ازامات بايقاپ، كومەكتەسۋگە تىرىسقان. الايدا، ەر ازاماتتىڭ ءوزى قاتتى كۇيىك شالىپ دەرەۋ ارادا اۋرۋحاناعا جەتكىزىلگەن. قازىرگى تاڭدا ءورتتىڭ قالاي پايدا بولعاندىعى تۋرالى ناقتى اقپارات جوق. الايدا، پولشانىڭ جەرگىلىكتى باق وكىلدەرى قايعىلى وقيعاعا گاز باللوندارىنىڭ جارىلۋى سەبەپ بولۋى مۇمكىن دەپ جازۋدا.

اتالعان وقيعادان كەيىن، پولشا ىشكى ىستەر دەپارتامەنتىنىڭ باسشىسى يوحيم برۋدزينسكي جاستار اراسىنداعى تانىمال عيماراتتاردىڭ ءورت قاۋىپسىزدىگىن تەكسەرىپ شىعۋ تۋرالى تاپسىرما بەردى. ساراپشىلاردىڭ پىكىرىنشە مۇنداي ورىندار بارلىق پولشا بويىنشا مىڭنان اسىپ تۇسەدى ەكەن.

پولشاداعى قايعىلى جاعدايعا بايلانىستى، جەكسەنبى كۇنى بارلىق كوشالين قالاسىندا قارالى كۇن جاريالاندى.

"The Qazaq Times"