سۇرياعا اۋەدەن شابۋىل جاسالدى

ءسۇريا اۋماعىنا اۋەدەن شابۋىل جاسالىپ، سالدارىنان 11 ادام قازا تاپتى.

Reutەrs اگەنتتىگىنىڭ حابارلاۋىنشا، سۇريامەن وداقتاس ەلدەر قارۋلى توپتاردىڭ كوزىن جويماق بولعان. الايدا، دەير-ەز-زور ايماعىنا قاراستى شاافا اۋىلىنداعى بەيبىت تۇرعىندارعا دا بومبا تۇسكەن. بۇعان قاتىستى اسكەريلەر رەسمي مالىمدەمە جاساعان جوق.

ايتا كەتەيىك، اقش باستاعان وداقتاس ەلدەردىڭ اۋە كۇشتەرى «يراك جانە لەۆانت لاڭكەستىك ۇيىمىنا» قارسى ارەكەت ەتەدى. بىراق، 19 جەلتوقساننان باستاپ اقش ءوز اسكەرىن ءسۇريادان شىعارا باستادى. اق ءۇي باسشىسى دونالد ترامپ ءوزىنىڭ «Twitter» پاراقشاسىنا «يسلام مەملەكەتى» ەكسترەميستىك توبىنىڭ كۇيرەگەنىن» جانە «اقش اسكەرىنىڭ ءسۇريادا قالۋىنىڭ جالعىز سەبەبى يم-ءدى جەڭۋ» ەكەندىگىن جازعان بولاتىن. ال فرانتسيا تاراپى ءسۇريادان اسكەرىن شىعارمايتىنىن، تەرروريزمگە قارسى كۇرەستى جالعاستىراتىنىن ايتتى.

"The Qazaq Times"