كەشە ارقا توسىندە كەتىپ بارا جاتقان قۇتپان جىلىنىڭ قۇتىن اسىرعان بىلىكتى دارىگەر، بەلگىلى كاسىپكەر، اقىن تولقىن اقانۇلى جاڭا جىل قارساڭىندا ءوزىنىڭ قۇزىرىندا قىزمەت اتقاراتىن ءتورت ازاماتتىڭ ەڭبەگىن باعالاپ، استانا ىرگەسىنەن ءار قايسىسى 15 مىڭ دوللارلىق ءۇي سالاتىن جۇرتتىڭ اكت-سىن، سونىمەن قاتار ءتورت وتباسىعا شەتەلگە دەمالىس جولداماسىن سىيعا تارتتى. تاپقانىن شاشىپ جەيتىن سۇڭقار تەكتى ازاماتتىڭ بۇل ونەگەسى تالايلارعا وي سالارى انىق.

تولقىن دارىگەر وسى ۋاقىتتا دەيىن تالاي شاڭىراققا قۋانىش سىيلاپ، دەنساۋلىعى سىر بەرگەن جانداردى اۋرۋىنان ايىقتىردى. قاشان دا ءوزىنىڭ ورنىنا لايىق جۇمىس جاسايتىن، الدىنا كومەك سۇراپ بارعان جاننىڭ مەسەلىن قايتارمايتىن، قوعامعا قىزمەت ەتۋدە قاراپايىم ادامگەرشىلىك ۇستانىمدى جوعارى قوياتىن اق حالاتتى ابزال جان ەكەندىگىن كورسەتىپ، العىس الىپ كەلەدى. حالىققا مەديتسينالىق قىزمەت كورسەتۋ جۇيەسىندە ءوز قولتاڭباسىن قالدىرعان دارىگەرگە ەمدەلۋگە كەلەتىن سىرقاتتاردىڭ سانىندا شەك جوق. تولقىن اقانۇلى ەمدەپ، اياعىنان تىك تۇرعىزعان كىسىلەر ەلىمىزدىڭ تۇكپىر-تۇكىپىرندە بار.

ايتا كەتەيىك، تولقىن اقانۇلى «تابيب» حالىق ەمشىلەر قاۋىمداستىعىنىڭ جانە دەنساۋلىق ساقتاۋ مينيستىرلىگى «قر حالىق جانە رۋحاني ەمشىلەر مەكەمەسىنىڭ» تولىق مۇشەسى. حالىقارالىق «ەكولوگيا» اكادەمياسىنىڭ اكادەميگى. سونداي-اق قر حالىقتىڭ دەنساۋلىعىن ساقتاۋ ىسىندەگى ەرەكشە ەڭبەگى ءۇشىن جوعارعى مەدالىنىڭ يەگەرى.

"The Qazaq Times"