فوتو: knia.ru

پەتر پوروشەنكو ۋكراينادا ەنگىزىلگەن اسكەري جاعدايدى توقتاتتى. بۇعان 31 ناۋرىزدا وتەتىن پرەزيدەنت سايلاۋى سەبەپ بولعان.

وسىعان دەيىن مەملەكەت باسشىسى ۋكراينادا اسكەري جاعدايدى ءبىر جىلعا دەيىن ۇزارتۋدى كوزدەگەن بولاتىن. بىراق، پارلامەنتتەگى قاراما-قايشى پىكىرلەردەن كەيىن ول رايىنان قايتتى. بۇل جاعدايعا قاتىستى پيوتر پوروشەنكو: «ۋكراينا ازوۆ تەڭىزىندەگى پورتتار مەن اسكەري كەمەلەرىنەن ەشقاشان باس تارتپايتىنىن تاعى دا قايتالاپ ايتامىن. حالىقارالىق زاڭ دا، قۇقىق تا ءبىزدىڭ جاقتا. وسى قولداۋ ارقىلى بارلىق ديپلوماتيالىق قادامعا بارا الامىز. ەگەر الداعى سايلاۋ بولماعاندا جوعارعى رادادان اسكەري جاعدايدى سوزۋدى سۇرايتىن ەدىم. بىراق، اسكەري ءتارتىپ كەزىندە ەل قاۋىپسىزدىگىن قورعاۋ ءۇشىن كوپتەگەن يگى ىستەر جاسادىق»، – دەدى.

ەسكە سالا كەتەيىك، 25 قاراشادا رەسەي ارنايى جاساعى ازوۆ تەڭىزىندە ۋكراينا اسكەري تەڭىز كۇشتەرىنە تيەسىلى ءۇش بىردەي كەمەگە شابۋىل جاساپ، باسىپ العان بولاتىن. وسى جاعدايدان سوڭ ۋكراينا پرەزيدەنتى پەتر پوروشەنكو ەلدە ءبىر ايعا اسكەري جاعداي ەنگىزگەن.

"The Qazaq Times"