فوتو: گولوس امەريكي.

اقش پرەزيدەنتى دونالد ترامپ سۇرياعا بايلانىستى شەشىمىن وزگەرتپەيدى.

اق ءۇي اكىمشىلىگى باسشىسىنىڭ قىزمەتىن اتقارۋشى ميك مالۆەني 23 جەلتوقسان كۇنى ترامپتىڭ ءسۇريا ماسەلەسىنە قاتىستى شەشىمىنە پىكىر ءبىلدىردى.

«پرەزيدەنت ءاۋ باستا اقش اسكەرىنىڭ ءسۇريا اۋماعىندا ماڭگىلىككە قالعانىن قالامادى. قازىر سىزدەر ەكى جىلدىق جۇمىستىڭ ناتيجەسىن كورىپ وتىرسىز. دونالد ترامپ ءسۇريادان اقش اسكەرىن شىعارۋعا بايلانىستى شەشىمىن وزگەرتپەيدى» - دەپ مالىمدەدى مالۆەني.

وتكەن اپتادا دونالد ترامپ اقش اسكەرىن ءسۇريادان شىعاراتىنىن مالىمدەگەن. وسىدان كەيىن پەنتاگون باسشىسى جەيمس مەتتيس وتستاۆكاعا كەتىپ، فرانتسيا پرەزيدەنتى ەممانۋەل ماكرون ترامپتىڭ بۇل شەشىمىنە وكىنىش بىلدىرەتىنىن ايتقان.

"The Qazaq Times"