فوتو: 24.kg

قىرعىز جۇرتشىلىعى بىشكەك قالاسىندا ورنالاسقان قىتاي ەلشىلىگىنىنىڭ الدىنا نارازىلىق شەرۋگە شىقتى. جينالعاندار ەتنيكالىق قىرعىزداردىڭ سوڭىنا ءتۇسۋدى توقتاتىپ، قىتايداعى قايتا دايارلاۋ لاگەرلەرىندەگى قىرعىز ۇلتىنىڭ ازاماتتارىن بوساتۋدى تالاپ ەتۋدە.

سونىمەن قاتار، ءبىر ايدىڭ ىشىندە بارلىق شەت ەل ازاماتتارى قىرعىز ەلىنەن شىعارىلۋى ءتيىس جانە دە سوڭعى 10 جىل كولەمىندە قىرعىزستان ازاماتتىعىن العان تۇرعىنداردى ارنايى كوميسسيا قۇرۋ ارقىلى زاڭ بويىنشا تەكسەرۋگە الۋ كەرەكتىگىن مالىمدەپ وتىر.

ەستەرىڭىزگە سالا كەتەيىك، ءباسپاسوز-كونفەرەنتسياسى بارىسىندا قىرعىز ەلىنىڭ پرەزيدەنتى سوورونباي جەەنبەكوۆ قىتايداعى قايتا دايارلاۋ لاگەرلەرىندەگى قىرعىز ازاماتتارى تۋرالى ابايلاپ سويلەۋ كەرەكتىگىن مالىمدەگەن بولاتىن. سونىمەن بىرگە، وزگە ەلدىڭ ىشكى ساياساتىنا ارالاسۋعا قۇقىعى جوق ەكەندىگىن دە تىلگە تيەك ەتتى.

الايدا، وزگە ەلدەگى قانداستارى ءۇشىن الاڭداپ وتىرعان قىرعىز جۇرتشىلىعى ولاردىڭ قىسپاقتا وتىرعاندىعىنا بەك سەنىمدى. وسىلايشا، وزدەرىنىڭ قانداستارىنا اراشا ءتۇسۋدى ويلاپ وتىر. بۇدان بولەك، قىتاي ەلىنىڭ قايتا دايارلاۋ لاگەرلەرىندە تەك قىرعىز ۇلتىنىڭ عانا ەمەس، قازاق، ۇيىعىر ۇلتىنىڭ وكىلدەرى دە تۇتقىندا وتىر.

"The Qazaq Times"