قۇراما شتاتتار سءۇريادان اسكەرىن شىعارا باستادى. بۇل جونىندە اق ءۇي وكىلى سارا ساندەرس مالىمدەدى.
Reuters اقپارات اگەنتتىگىنىڭ حابارلاۋىنشا، اقش سۇرياداعى مەملەكەتتىك دەپارتامەنت وكىلدەرىن ءبىر تاۋلىكتىڭ ىشىندە الىپ شىعادى. اگەنتتىك مالىمەتىنشە، ۋاشينگتون 60-100 كۇن ارالىعىندا اسكەرىن تولىق شىعارادى. ايماقتا ەكى مىڭنان استام امەريكالىق سارباز بار.
سارسەنبى كۇنى اقش پرەزيدەنتى دونالد ترامپ ءوزىنىڭ «Twitter» پاراقشاسىنا "يسلام مەملەكەتى" ەكسترەميستىك توبىنىڭ كۇيرەگەنىن، "اقش اسكەرىنىڭ ءسۇريادا قالۋىنىڭ جالعىز سەبەبى يم-ءدى جەڭۋ بولعانىن" جازعان.
«Bloomberg» باسىلىمى دا ۋاشينگتونداعى رەسمي دەرەككوزگە سۇيەنىپ، ءسۇريادان اسكەردى شىعارۋ جونىندە جارلىققا قول قويىلعانىن جازدى.
"يسلام مەملەكەتى" 2013 جىلى ءسۇريا مەن يراك اۋماعىندا قۇرىلعان ەكسترەميستىك توپ. ولار بىرنەشە جىل بويى ەكى ەل اۋماعىنىڭ نەگىزگى بولىگىن باسىپ الىپ، حاليفات ورناتپاق بولعان. 2018 جىلدان باستاپ «يسلام مەملەكەتى» قۇلدىراي باستادى.
«يسلام مەملەكەتى» قازاقستان اۋماعىندا تەررورلىق ۇيىم دەپ تانىلعان. ۇلتتىق قاۋىپسىزدىك كوميتەتىنىڭ دەرەگىنشە، وسى ۋاقىتقا دەيىن 800-گە جۋىق قازاقستاندىق سۇرياعا كەتىپ، "يسلام مەملەكەتى" توبىنىڭ قاتارىندا سوعىسقان.
قوساي ماحامباەۆ: وق تيگەن ادامدى قۇتقارام دەگەندە ءوزىمدى اتىپ تاستادى
رەديدەنتسيا سوتى. سەرىك كەكىلباەۆ: مەنىڭ ارەكەتتەرىمدە قىلمىستىڭ قۇرامى جوق
كارانەەۆ: تاعىلعان ايىپتىڭ ەشقايسىسىن مويىندامايمىن
رەزيدەنتسيا ىسىندەگى سۋديا مەن بەلسەندىنىڭ ايتىسى
9 ايدىڭ ىشىندە الماتى مەن جەتىسۋ وبلىستارىندا قۇرىلىسى اياقتالعان جولداردان 481 اقاۋ انىقتالعان
وتانعا ورالعان قانداس بەيىمدەلۋى نەمەسە قانداستار مەن قازاقستانداعى ميگرانتتاردى اقپاراتتىق قولداۋ جانە الەۋمەتتىك بەيىمدەۋدىڭ مەديا-ستراتەگياسى