فوتو: centralasian.org

اقتءوبە وبلىسى تەمىر اۋدانىندا ءۇش جءۇزدەن استام وتباسى جاڭا تۋعان نءارەستەلەرىنە "دىندە تىيىم سالىنعان" دەگەن سەبەپپەن ەكپە سالدىرۋدان باس تارتىپ جاتىر. بۇل جءونىندە ورتالىق اۋداندىق اۋرۋحانا مەڭگەرۋشىسى حانىم بالعازينا ايتتى دەپ جازادى "ورتالىق ازيا حابار قىزمەتى" . 

بالعازينا اۋرۋحانادا ماماندار ەكپەدەن باس تارتقان اتا-انالارعا ءتۇسىندىرۋ جۇمىستارىن جۇرگىزىپ جاتىر دەيدى.

— ولار بوگدە ادامدارمەن سويلەسپەيدى. سول ءۇشىن ارنايى ءبىر دارىگەر ايەل جانە ءبىر دارىگەر ەر ادامدى ءتۇسىندىرۋ جۇمىستارىنا بولدىك. ولارمەن ءدىنتانۋشىلار، اكىمدىك جانە پروكۋراتۋرا قىزمەتكەرلەرى سويلەستى. بىراق بۇگىنگى كۇنى ەكپەگە تەك ءۇش ادام كەلدى، — دەيدى حانىم بالعازينا.

اقتوبە وبلىستىق دەنساۋلىق ساقتاۋ باسقارماسىنىڭ جەتەكشىسى اسەت قاليەۆ وبلىس بويىنشا اتا-انالارى ەكپە سالدىرۋعا قارسى بولعان ەكى جارىم مىڭنان استام بالا بار دەيدى. ونىڭ سوزدەرىنشە، مۇنداي وتباسىلار كوبىنەسە العىن، مۇعالجار، تەمىر جانە شالقار اۋداندارىندا جانە وبلىس ورتالىقتارىندا كوپ.

“The Qazaq Times”