فوتو: «ارىستان» مامانداندىرىلعان ليتسەيى

بۇگىن قازاقستان رەسپۋبليكاسى پرەزيدەنتىنىڭ قورىمەن قۇرىلعان «ارىستان» مامانداندىرىلعان ليتسەيىندە «جاۋىنگەرلىك جانۇياداي ۇيىسقان – ۇلتتىق ۇلان ەلى مەن حالقىنا قورعان!» اتتى ليتسەي وقۋشىلارىمەن پاتريوتتىق-تانىمدىق كەش بولىپ ءوتتى دەپ حابارلادى «وڭتۇستىك» وڭىرلىك قولباسشىلىعىنىڭ ءباسپاسوز قىزمەتىنەن ايدوس بايشاعىروۆ. 

كەش بارىسىندا ۇلتتىق ۇلاننىڭ «وڭتۇستىك» وڭىرلىك قولباسشىلىعىنا قاراستى 5571 اسكەري ءبولىمىنىڭ تاربيەشى وفيتسەرلەرى كاپيتان سالامات ءامىرحانوۆ پەن لەيتەنانت ماكسيم بورتسوۆ ليتسەي وقۋشىلارىنا ۇلتتىق ۇلاننىڭ جاۋىنگەرلىك تاريحى تۋرالى سىر شەرتىپ، ۇلتتىق پاتريوتتىق تاربيەمەن قوسا ەرلىك جايلى وسيەتتەردى باياندادى. سونداي-اق كەشەگى ىشكى اسكەر، بۇگىنگى ۇلتتىق ۇلاننىڭ تاريحىنا توقتالىپ، ەلىمىزدەگى قوعامدىق ءتارتىپتى قامتاماسىز ەتۋ مەن اسا قاۋىپتى قىلمىسكەرلەردى قۇرىقتاۋ سەكىلدى ۇلاندىقتاردىڭ بۇگىنگى مىندەتتەرىن تىلگە تيەك ەتتى.

ءوز سوزىندە سالامات ءامىرحانوۆ: «ۇلتتىق ۇلان قاشان دا مارتەبەسى بيىك اسكەر. ءبىزدىڭ قاتارداعى ساربازدان باستاپ كومانديرلەرگە دەيىنگى اسكەري قىزمەتشىلەرىمىز ۇدايى جاۋىنگەرلىك دايارلىق پەن كاسىپتىك دايىندىقتىڭ، سونىڭ ىشىندە تاباندى ءىس-ارەكەتتەرىنىڭ ارقاسىندا ۇنەمى ەل العىسىنا بولەنىپ جاتىر. كۇنى كەشە عانا بولعان اقتوبەدەگى قاندى قىرعىندا ۇلتتىق ۇلان ساربازدارى ناعىز ەرلىكتىڭ ۇلگىسىن كورسەتسە، ءوز كەۋدەسىن توسۋ ارقىلى ساربازىن گراناتا جارىلىسىنان امان الىپ قالعان پولكوۆنيك قايرات ۇمبەتوۆ ناعىز كومانديرگە ءتان قىراعىلىعىن تانىتتى.

بۇدان بولەك قوعامدىق ءتارتىپ پەن قاۋىپسىزدىكتى قامتاماسىز ەتۋ مەن ەل تىنىشتىعىن ساقتاۋ جولىندا ۇلاندىقتار كۇندەلىكتى جاۋىنگەرلىك قىزمەتتەر اتقارىپ، ءبىرشاما جاۋىنگەرلەر قىراعىلىقتارىمەن كوزگە ءتۇستى» - دەپ، باتىر بابالاردان ميراس بولىپ جالعاسىپ كەلە جاتقان ەرلىك ۇلگىسىن بايانداپ، ليتسەي وقۋشىلارىن بولاشاقتا ۇلتتىق ۇلاننىڭ قاتارىنا قىزمەت ەتۋگە شاقىردى.

تاربيەشى وفيتسەرلەردىڭ ەرلىك جايلى اڭگىمەلەرى وقۋشىلارعا ەرەكشە اسەر بەرىپ، ولار كەش قوناقتارىن ۇيىپ تىڭدادى، سوڭىنان وزدەرىنىڭ سۇراقتارىن دا قويىپ جاتتى.

وسىنداي ادەمى كەش بارىسى «جاۋىنگەرلىك جانۇياداي ۇيىسقان – ۇلتتىق ۇلان ەلى مەن حالقىنا قورعان!» اتتى جاۋىنگەرلىك ەرلىككە تولى ۇلتتىق ۇلان جايلى تۇسىرىلگەن بەينەتاسپانى  كورۋمەن جالعاسىپ، ارتىنان ديريجەر ەلەنا ەۆستراتەنكونىڭ جەتەكشىلىگىمەن «گەنەرال» اتتى قالامىزدىڭ ۇرمەلى اسپاپتار وركەسترىنىڭ كونتسەرتتىك باعدارلاماسىنا ۇلاستى.

“The Qazaq Times”