قوس كورەيا باسشىسى. فوتو: politeka.net

قوس كورەيا اراسىنداعى شەكارا بەكەتتەرى بۇرىنعىدان ازايدى.

بەكەتتەردى جويۋ تۋرالى كەلىسىمگە ەكى ەلدىڭ قورعانىس مينيسترلەرى 19 قىركۇيەكتە قول قويعان. ناتيجەسىندە قوس كورەيا شەكاراسىندا ورنالاسقان جيىرما شاقتى كۇزەت بەكەتى الىنىپ تاستالدى. وڭتۇستىك كورەيانىڭ ۇلتتىق قورعانىس مينيسترلىگىنىڭ حابارلاۋىنشا، كورەي تۇبەگىندەگى اسكەري شيەلەنىستى تۇراقتاندىرۋ ءۇشىن ارنايى مامانداردان قۇرالعان جۇمىس توبى بۇرىن كەدەن بەكەتى بولعان اۋماقتاردى تەكسەرىپ شىققان. ەندى وڭتۇستىك كورەيا مەن كورەي حالىق دەموكراتيالىق رەسپۋبليكاسىنىڭ اسكەريلەرى شەكاراداعى باقىلاۋ بەكەتتەرىن قارۋسىزداندىرۋ ناتيجەسىن قاراستىرادى.

ەستەرىڭىزگە سالا كەتەيىك، قىركۇيەكتە پيوڭياڭ (پحەنيان) سامميتىندە سولتۇستىك كورەيا مەن وڭتۇستىك كورەيا بۇۇ-نىڭ اسكەريلەندىرىلگەن ايماعىنا قارۋسىزدانۋدى كۇشەيتۋگە باعىتتالعان ۇشجاقتى كونسۋلتاتيۆتىك توپ قۇرۋعا كەلىسكەن. سونداي-اق، وڭتۇستىك-سولتۇستىك كورەيا كەلىسىمى ەكى تاراپتىڭ دا اسكەري جاتتىعۋلارىن توقتاتۋ كەلىسىمىن قاراستىرعان بولاتىن. شارتتا شەكارا سىزىعىندا اسكەري ۇشاقتاردىڭ ۇشۋىن، قارۋسىزداندىرىلعان ايماقتا مينالاردى بولدىرماۋ جانە كۇزەت بەكەتتەرىن بىرتىندەپ جويۋ سىندى ماسەلەلەر قاراستىرىلعان.

"The Qazaq Times"