تۇركيا عارىش اگەنتتىگىن قۇردى – دەپ حابارلايدى Anadolu اقپارات اگەنتتىگى.

پرەزيدەنت رەجەپ تايىپ ەردوعاننىڭ جارلىعى بويىنشا، تۇركيادا عارىش اگەنتتىگى قۇرىلدى. جارلىققا سايكەس، اگەنتتىكتىڭ جەكە بيۋدجەتى مەن ءوز بەتىنشە جۇمىس ىستەيتىن اكىمشىلىك باسقارۋ جۇيەسى بولادى.

«اگەنتتىك تۇركيانىڭ ۇلتتىق عارىش باعدارلامالارىن جۇزەگە اسىرۋعا مىندەتتى. عارىش اگەنتتىگى ونەركاسىپ جانە جاڭا تەحنولوگيالار مينيسترلىگىمەن بىرلەسە وتىرىپ، ەلدىڭ اەرو-عارىش سالاسىنداعى ستراتەگيالىق جوسپارلارىن دايىندايتىن بولادى» - دەلىنگەن رەجەپ تايىپ ەردوعان شىعارعان جارلىقتا.

"The Qazaq Times"