قىتايدىڭ www.inews.ifeng.com سايتى 18 اقپان كۇنى شياڭگاڭنىڭ (حونگونگ) «جازبالار» گازەتىندە سىلتەمە جاساپ مىنانى جازادى: «جۇندەس ءپىل» مۇزدىق داۋىرىندە ەۆروپا، ازيا، افريكا جانە سولتۇستىك امەريكا قۇرىلىقتارىندا ءومىر سۇرگەن. كليمات وزگەرىسىنە بايلانىستى بۇدان 4 مىڭ جىل بۇرىن تۇقىمى قۇرىعان. ال، گەن ينجەنەرلىك تەحنيكاسىنىڭ كۇن ساناپ دامۋىنا بايلانىستى جۇندەس ءپىل قازىرگى ازيا ءپىلىنىڭ دەنەسى ارقىلى «تىرىلمەك» . حارۆورد ۋنيۆەرسيتەتىنىڭ عالىمدارى گەن ارقىلى ءتىرىلتۋ زەرتتەۋىن باستاپ، رەسەيدىڭ سبەرياسىندا مىڭ جىلدىقتار بويى مۇز قۇرسانىپ قاتىپ قالعان جۇندەس ءپىلدىڭ DNA- ىن الىپ، گەن كوشىرۋ تاجىريبەلەرى ارقىلى تۇقىم جاعىنان جاقىن دەپ سانالعان ازيا ءپىلىنىڭ گەنىمەن بىرىكتىرگەن. ولاردىڭ مالىمەتىنشە، ەندى ەكى جىلدا وسى سىناق جۇزەگە اسىپ، ازيا ءپىلىنىڭ قۇرساعىندا جەتىلگەن، تەرىسى ءسىرى، دەنەسى ءىرى، قۇلاعى كىشكەنە، سۋىققا ءتوزىمدى «جاڭا تۇرپاتتى جۇندەس ءپىل» جۇرتپەن جۇزدەسەدى ەكەن.
ادىلەت احمەتۇلى
«The Qazaq Times»
استانادا قالعان جاڭاوزەندىك جۇمىسسىزدار "قازمۇنايگاز" كەلىسسوزدى توقتاتىپ تاستادى دەيدى
فبر پەنتاگوننىڭ قۇپيا قۇجاتتارىنىڭ جاريالانۋىنا قاتىسى بار كۇدىكتىنى قامادى
موڭعوليا استاناسىندا جاپپاي نارازىلىق شەرۋلەرى ءوتتى
ەكىباستۇزدا جىلۋ جەلىسىندەگى اقاۋعا "ستانتسيا قىزمەتكەرىنىڭ قاتەلىگى" سەبەپ بولعانى ايتىلدى
وزبەكستان پرەزيدەنتى جەلتوقساندا قىرعىزستانعا بارادى