اقش پرەزيدەنتى دونالد ترامپ.

اقش پرەزيدەنتى دونالد ترامپ: «ەگەر ماعان يمپيچمەنت جاريالايتىن بولسا، حالىق كوتەرىلىسكە شىعادى» - دەپ مالىمدەدى.

Reuters اقپارات اگەنتتىگىنىڭ مالىمەتىنشە، جەلتوقسان ايىنىڭ 12-ءى كۇنى دونالد ترامپ ءوزىنىڭ جۇرگىزىپ وتىرعان ساياساتى مەن پرەزيدەنتكە قويىلاتىن يمپيچمەنتكە قاتىستى پىكىر بىلدىرگەن.

«دۇرىس ەمەس دۇنيە جاساماي-اق الەمدەگى ەڭ ۇلى ەكونوميكانى قالپىنا كەلتىرىپ جاتقان ساياساتكەردى ورنىنان الىپ تاستاۋ وڭاي ەمەس. مەن بۇل جونىندە الاڭدامايمىن دا. ەگەر سونداي جاعداي بولاتىن بولسا، حالىق كوتەرىلىسكە شىعادى» - دەپ مالىمدەدى ترامپ.

بۇعان دەيىن باق بەتتەرىندە «ەگەر دەموكراتتار كونگرەستى ءوز باقىلاۋىنا الاتىن بولسا، ترامپقا يمپيچمەنت جاريالاۋى مۇمكىن. تارمپ يمپيچمەنتتەن قورقادى» - دەگەن اقپارات تاراعان. كەيىننەن ترامپتىڭ زاڭگەرلەرمەن يمپيچمەنت ماسەلەسىنە قاتىستى كەزدەسۋلەر وتكىزگەندىگى جونىندە ايتىلعان.

"The Qazaq Times"