اقش پەن تاياۋ شىعىس ەلدەرى جاڭا اسكەري اليانس قۇرماق.

«نەمىس تولقىنى» اقپارات اگەنتتىگىنىڭ مالىمەتىنشە، اقش پەن اراب ەلدەرى ناتو-عا ۇقساس MESA اسكەري اليانسىن قۇرماق.

جەلتوقسان ايىنىڭ 9-ى كۇنى ساۋد ارابياسىنىڭ سىرتقى ىستەر ءمينيسترى ادەل ءال-جۋبەير اتالمىش ماسەلەگە قاتىستى مالىمدەمە جاسادى. ونىڭ سوزىنشە، قازىرگى تاڭدا اراب ەلدەرى تاياۋ شىعىس قاۋىپسىزدىگىن قامتاماسىز ەتۋ ماقساتىندا اقش-پەن بىرلەسىپ جاڭا اسكەري ستراتەگيالىق اليانس قۇرۋ ءۇشىن كەلىسسوزدەر جۇرگىزۋدە.

«ءبىزدىڭ باستى ماقساتىمىز – تاياۋ شىعىس قاۋىپسىزدىگىن قامتاماسىز ەتۋگە بايلانىستى كەلىسىمگە كەلۋ. بۇل ءوز كەزەگىندە ايماقتى سىرتقى كۇشتەردىڭ ارانداتۋ ارەكەتتەرىنەن قورعايدى جانە اقش-پەن قارىم-قاتىناس ورناتۋعا سەپتىگىن تيگىزەدى» - دەپ مالىمدەدى ءال-جۋبەير.

ايتا كەتەتىن ءبىر جايت، قازىرگى ۋاقىتتا ايماقتا تۇركيا، رەسەي، يران ۇشتىگى بىرىگىپ ءىس-قيمىلدار جاساۋدا. اتاپ ايتقاندا انكارا، ماسكەۋ، تەھران ءسۇريا ماسەلەسىندە كۇش بىرىكتىرىپ، كەز كەلگەن اسكەري وپەراتسيالارىن ءوزارا كەلىسىم ارقىلى جۇزەگە اسىرۋدا.

"The Qazaq Times"