ارمەنيا پرەمەر-ءمينيسترى نيكول پاشينيان.

ارمەنيادا پرەمەر-مينيستر نيكول پاشينياننىڭ پارتياسى پارلامەنت سايلاۋىندا جەڭىسكە جەتتى.

ارمەنيا ورتىلىق سايلاۋ كوميسسياسى تاراتقان مالىمەت بويىنشا، جەلتوقسان ايىنىڭ 9-ى كۇنى وتكەن پارلامەنت سايلاۋىندا پرەمەر-مينيستر نيكول پاشينياننىڭ «مەنىڭ قادامىم» پارتياسى 884,4 مىڭ سايلاۋشىنىڭ داۋىسىن جيناپ (70,43%), ۇلتتىق كەڭەستەگى كوپشىلىك ورىنعا يە بولدى.

سايلاۋ قورىتىندىسى بويىنشا، ەكىنشى ورىندى 103,8 مىڭ داۋىس جيناعان (8,37%) گاگيك تسارۋكياننىڭ «گۇلدەنگەن ارمەنيا» پارتياسى العان. ءۇشىنشى ورىنعا ەدمون ماركۋياننىڭ باسقارۋىنداعى «جارقىن ارمەنيا» پارتياسى تابان تىرەگەن.

ەكس-پرەزيدەنت سەرج سارگسياننىڭ رەسپۋبليكالىق پارتياسى تاۋەلسىز ارمەنيا تاريحىندا تۇڭعىش رەت سايلاۋدان وتە الماي قالدى. ول سايلاۋشىلاردىڭ نەبارى 4,7 پايىز داۋىسىن العان.

ارمەنيا اتا زاڭى بويىنشا، پارلامەنتكە 5 پايىز داۋىس جيناعان پارتيا وتۋگە قۇقىلى جانە پارلامەنت كەم دەگەن دە ءۇش پارتيادان جاساقتالۋى ءتيىس.

"The Qazaq Times"